ବୌଦ୍ଧ: ଜିଲ୍ଲାପାଳଙ୍କ ନିର୍ଦ୍ଦେଶକୁ ମଧ୍ୟ ବେଖାତିର କରୁଛନ୍ତି ପଞ୍ଚାୟତ ନିର୍ଵାହୀ ଅଧିକାରୀ । ଦିବ୍ୟାଙ୍ଗ ନାବାଳିକା ଭତ୍ତା ପାଇଁ ଯେତେ ଗୁହାରୀ କଲେ ମଧ୍ୟ ପଞ୍ଚାୟତର ବାବୁମାନେ ଶୁଣୁ ନାହାଁନ୍ତି । ଏଭଳି ସଙ୍ଗୀନ ଅଭିଯୋଗ ଆସିଛି ବୌଦ୍ଧ ଜିଲ୍ଲା ଗୁନ୍ଦୁଳିଆ ପଞ୍ଚାୟତ ଅନ୍ତର୍ଗତ ବନ୍ଧପଡାରୁ ।
ଦିବ୍ୟାଙ୍ଗ ନାବାଳିକାଙ୍କୁ ସରକାରୀ ସହାୟତା ଅପେକ୍ଷା
ବନ୍ଧପଡାର ଦିବ୍ୟାଙ୍ଗ ନାବାଳିକା ଗୁରୁବାରୀ ପ୍ରଧାନଙ୍କ ବାପା ଓ ମାଆ ଉଭୟେ ବୃଦ୍ଧ । ସେମାନଙ୍କୁ ମଧ୍ୟ ସାମାଜିକ ସୁରକ୍ଷାରେ ସାମିଲ କରାଯାଇ ନାହିଁ । ସପେଟେ ଝିଅଟି କଥା କହିପାରୁନଥିବା ବେଳେ ଶୁଣି ପାରୁନାହାଁନ୍ତି । ଗୁରୁବାରୀ ସରକାରଙ୍କ ପ୍ରଦତ୍ତ ଦିବ୍ୟାଙ୍ଗ ସାର୍ଟିଫିକେଟ ଖଣ୍ଡିକ ଧରି ବର୍ଷ ବର୍ଷ ହେଲା ପଞ୍ଚାୟତ କାର୍ଯ୍ୟାଳୟ ଦୌଡି ନୟାନ୍ତ ହୋଇ ପଡିଛନ୍ତି ।