ବୌଦ୍ଧ: ଶିକ୍ଷା ବିଭାଗରେ ଦୁର୍ନୀତି ଓ ଜାଲ ଓଟିଇଟି ସାର୍ଟିଫିକେଟକୁ ନେଇ ଇଟିଭି ଭାରତରେ ଖବର ପ୍ରସାରଣ ପରେ ଆକ୍ସନ ମୁଡରେ ଶିକ୍ଷା ବିଭାଗ । 40 ଜଣ ନକଲି ଶିକ୍ଷକଙ୍କୁ ବହିଷ୍କାର ପରେ ବର୍ତ୍ତମାନ ଆଉ 9 ଜଣ ଶିକ୍ଷକଙ୍କ ବିରୋଧରେ ନିଆଯିବ କାର୍ଯ୍ୟାନୁଷ୍ଠାନ ।
ନକଲି ଓଟିଇଟି ସାର୍ଟିଫିକେଟଧାରୀ ଶିକ୍ଷକଙ୍କୁ ନୋଟିସ
ଶିକ୍ଷା ବିଭାଗରେ ଦୁର୍ନୀତିର ଛିଟା । ବୌଦ୍ଧ ଜିଲ୍ଲା ଶିକ୍ଷା ବିଭାଗରେ ହେଉଥିବା ବ୍ୟାପକ ଦୁର୍ନୀତିକୁ ନେଇ ବାରମ୍ବାର ଅଭିଯୋଗ ହୋଇଆସୁଥିଲା । ତେବେ ଜିଲ୍ଲାର ଗଣଶିକ୍ଷକ ଭାବରେ କାର୍ଯ୍ୟ କରୁଥିବା ଶିକ୍ଷକମାନେ ନକଲି ଓଟିଇଟି ସାର୍ଟିଫିକେଟ ଘଟଣାକୁ ନେଇ ଇଟିଭି ଭାରତରେ ଲଗାତାର ଖବର ପ୍ରସାରିତ ହେବାପରେ ସମୁଦାୟ 49 ଜଣ ନକଲି ଶିକ୍ଷକଙ୍କ ମଧ୍ୟରୁ 40 ଜଣ ଶିକ୍ଷକଙ୍କୁ ପ୍ରଶାସନ ବହିଷ୍କାର କରିଥିଲା ।