ବୌଦ୍ଧ: ଦୀର୍ଘ ଦିନର ଦାବି ପରେ ମହାନଦୀ ଉପରେ ସେତୁ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା । ମାତ୍ର ଏକାଧିକ ଥର ନିର୍ମାଣ ଅବଧି ଶେଷ ହେଉଥିଲେ ସମ୍ପୂର୍ଣ୍ଣ ହୋଇପାରୁନି କାର୍ଯ୍ୟ । ମନ୍ଥର ଗତିରେ ସେତୁ ନିର୍ମାଣ ଓ କାର୍ଯ୍ୟରେ ଅହେତୁକ ବିଳମ୍ବକୁ ନେଇ ଅସନ୍ତୋଷ ପ୍ରକାଶ କଲେଣି ସ୍ଥାନୀୟ ବାସିନ୍ଦା ।
ନିର୍ମାଣ ଅବଧି ଶେଷ, ସମ୍ପୂର୍ଣ୍ଣ ହେଉନି ବୌଦ୍ଧ ମହାନଦୀ ସେତୁ
ବୌଦ୍ଧ ଜିଲ୍ଲାର ଧଳପୁରରୁ ଅନୁଗୁଳ ଜିଲ୍ଲାର ଆଠମଲ୍ଲିକକୁ ସଂଯୋଗ ପାଇଁ ମହାନଦୀରେ ସେତୁ ନିର୍ମାଣ ହେଉଛି । ଏହି ସେତୁ ମଧ୍ୟ ଓଡିଶା ସହ ଦକ୍ଷିଣ ଓଡିଶାକୁ ସଂଯୋଗ କରିବ । ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶିଳାନ୍ୟାସ କରିଥିଲେ । ୨୦୧୬ ମସିହାରୁ କାର୍ଯ୍ୟ ଆରମ୍ଭ ହୋଇ ୨୦୧୯ ରେ ସମ୍ପୂର୍ଣ୍ଣ ହେବାନେଇ ସମୟ ଧାର୍ଯ୍ୟ ହୋଇଥିଲା ।