ବୌଦ୍ଧ: ମହାନଦୀରୁ ଏକ ମୃତ ମାଈ ଘଡ଼ିଆଳ କୁମ୍ଭୀର ଉଦ୍ଧାର। ବୌଦ୍ଧ ଜିଲ୍ଲା ଖୁଣ୍ଟବନ୍ଧ ପଞ୍ଚାୟତ ଅନ୍ତର୍ଗତ ଜଗନ୍ନାଥପୁର ଗ୍ରାମ ନିକଟସ୍ଥ ମହାନଦୀ ଗର୍ଭରୁ ଏକ ମୃତ କୁମ୍ଭୀରକୁ ଉଦ୍ଧାର କରାଯାଇଛି। ନଦୀରେ ମାଛ ମାରିବା ପାଇଁ ବ୍ଲାଷ୍ଟିଂ ଯୋଗୁଁ କୁମ୍ଭୀରର ମୃତ୍ୟୁ ହୋଇଥିବା ଆଶଙ୍କା କରାଯାଉଛି ।
ମହାନଦୀରୁ ସାଢେ ସାତ ଫୁଟର ମୃତ ମାଈ ଘଡିଆଳ କୁମ୍ଭୀର ଉଦ୍ଧାର
ବୌଦ୍ଧ ଜିଲ୍ଲା ଜଗନ୍ନାଥପୁର ଗ୍ରାମ ନିକଟରେ ଥିବା ମହାନଦୀରେ ମାଛ ଧରିବା ପାଇଁ ରାତିରେ ବ୍ଲାଷ୍ଟିଂ କରାଯାଇଥିଲା। ତେବେ ଏହି ବାଷ୍ଟିଂ ଯୋଗୁଁ ଏକ ମାଈ ଘଡ଼ିଆଳ କୁମ୍ଭୀରର ମୃତ୍ୟୁ ହୋଇଥିବା ଆଶଙ୍କା କରାଯାଉଛି। ଏନେଇ ବନ ବିଭାଗ ଖବର ପାଇବା ପରେ ମୃତ କୁମ୍ଭୀରକୁ ଉଦ୍ଧାର କରିଥିଲା। ମହାନଦୀରେ ଥିବା ଏହି ସାଢେ଼ ସାତ ଫୁଟ ଲମ୍ବ ବିଶିଷ୍ଟ ଘଡ଼ିଆଳ ସମ୍ପର୍କରେ ପ୍ରାଣୀ ବିଭାଗ ନିକଟରେ ସୂଚନା ନଥିଲା ।