ବୌଦ୍ଧ:ବିପଦରେ ଜଳଚର କୁମ୍ଭୀର ବଂଶ । ଡମକୁଚ ଜଳ ଭଣ୍ଡାରରୁ ଏକ ମୃତ ଗୋମୁହାଁ କୁମ୍ଭୀର ଉଦ୍ଧାର । ଗୋଟିଏ ପରେ ଗୋଟିଏ କୁମ୍ଭୀରର ମୃତ୍ୟୁ ଘଟଣା ସାରା ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି । ଏନେଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ପରିବେଶ ପ୍ରେମୀ ଦାବି କରିଛନ୍ତି ।
ଶ୍ମଶାନଭୂମି ପାଲଟିଛି ବୌଦ୍ଧଜିଲ୍ଲା,ଡମକୁଚ ଜଳ ଭଣ୍ଡାରରୁ ଗୋମୁହାଁ କୁମ୍ଭୀରର ମୃତଦେହ ଉଦ୍ଧାର
ସୂଚନାଅନୁସାରେ, ବୌଦ୍ଧ ଜିଲ୍ଲାରେ ଗତ କିଛି ଦିନ ପୂର୍ବରୁ ବାଉଁଶୁଣୀ ଅଞ୍ଚଳରେ ଏକ କୁମ୍ଭୀରର ମୃତଦେହ ଉଦ୍ଧାର ହୋଇଥିବା ବେଳେ ପନ୍ଦର ଦିନ ପୂର୍ବେ ବୌଦ୍ଧ ରେଞ୍ଜ ଅନ୍ତର୍ଗତ ଜଗନ୍ନାଥପୁର ଘାଟର ମହାନଦୀ ଗର୍ଭରୁ ଏକ ଘଡିଆଳ କୁମ୍ଭୀରର ମୃତଦେହ ଉଦ୍ଧାର କରାଯାଇଥିଲା । ବର୍ତ୍ତମାନ ପୁଣିଥରେ ଗତ ତିନି ଦିନ ପୂର୍ବରୁ ମାଧପୁର ରେଞ୍ଜ ଅନ୍ତର୍ଗତ ତଳଗାଁ ସେକ୍ସନର ଡମକୁଚ ଜଳ ଭଣ୍ଡାରରେ ଏକ ଗୋମୁହାଁ କୁମ୍ଭୀରର ମୃତ ଶରୀର ଉଦ୍ଧାର ହୋଇଛି ।