ବୌଦ୍ଧ: ମୃତ୍ୟୁ ପରେ ମହାପ୍ରୟାଣ ଗାଡି ନମିଳିବାରୁ ପରିବାର ପକ୍ଷରୁ ଅଟୋରେ ବୁହା ହେଲା ମୃତଦେହ । ଅନେକ କାକୁତିମନତୀ କରିବା ପରେ ଅଟୋରେ ମୃତଦେହକୁ ଗାଁ ଆଣି ଅନ୍ତିମ ସଂସ୍କାର କରିଛନ୍ତି ପରିବାର ଲୋକ । ସୂଚନାମୁତାବକ, ବୌଦ୍ଧ ଜିଲ୍ଲା ବୀରନରସିଂପୁର ପଞ୍ଚାୟତ ଅନ୍ତର୍ଗତ ହାଟଗାଁର ଗରିବ ନିରଞ୍ଜନ ମେଣ୍ଡଲୀଙ୍କୁ ଗତ ଶନିବାର ରାତିରେ ଏକ ଚିତି ସାପ କାମୁଡି ଦେଇଥିଲା ।
ମିଳିଲାନି ମହାପରାୟଣ ଗାଡି
ଗୁରୁତର ନିରଞ୍ଜନଙ୍କୁ ବିଭିନ୍ନ ସ୍ଥାନରେ ଝଡା ଫୁଙ୍କା କରି ଶେଷରେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଅତ୍ୟନ୍ତ ଗୁରୁତର ନିରଞ୍ଜନଙ୍କୁ ଡାକ୍ତର ମୃତ ଘୋଷଣା କରିଥିଲେ । ତେବେ ମୃତ୍ୟୁ ପରେ ମହାପ୍ରୟାଣ ଗାଡି ପାଇଁ ମୃତକଙ୍କ ପରିବାର ପକ୍ଷରୁ ଗୁହାରୀ କରାଯାଇଥିଲା । ତେବେ ମହାପ୍ରୟାଣ ଗାଡି ଚକ ଫାଟିଯାଇଥିବା କହି ପରିବାରକୁ ଫେରାଇ ଦେବାପରେ ସେମାନେ ବାଧ୍ୟ ହୋଇ ଧାରକରଜ କରି ଏକ ଅଟୋରେ ମୃତଦେହ ଧରି ଗାଁ କୁ ଫେରି ଦାହ କରିଥିଲେ ।