ବୌଦ୍ଧ: ପୁଣି ମହାନଦୀରେ କୁମ୍ଭୀର ଆତଙ୍କ । ଗତ ମାସରେ ବହିରା ନାଳରେ ଏକ ଘଡିଆଳ କୁମ୍ଭୀର ଦୀର୍ଘ ଦିନ ରହିବା ପରେ ତାକୁ ଡମ୍ବରୁଗାଡ ନିକଟସ୍ଥ ମହାନଦୀରେ ଛଡା ଯାଇଥିଲା । ଶନିବାର ସକାଳେ ପୁଣି ବାଉଁଶୁଣୀ ନିକଟସ୍ଥ ମହାନଦୀ କୂଳରେ ଏକ ଘଡିଆଳ କୁମ୍ଭୀର ମାଛ ଜାଲରେ ଫସିଥିଲା । ଯାହାକୁ ନେଇ ସ୍ଥାନୀୟ ଅଞ୍ଚଳରେ କୁମ୍ଭୀର ଆତଙ୍କ ଖେଳିଯାଇଛି ।
କୁମ୍ଭୀର ଦେହରେ ଟ୍ରାକର ଲାଗିବା ସହ ସେ ବହିରାର କୁମ୍ଭୀର ବୋଲି ବିଭାଗୀୟ ଅଧିକାରୀ ସ୍ପଷ୍ଟ କରିଛନ୍ତି । ଏଥିସହିତ ଘଡିଆଳ କୁମ୍ଭୀର ମଣିଷଙ୍କ ପାଇଁ ବିପଦପୂର୍ଣ୍ଣ ନୁହେଁ । ଏଥିପାଇଁ ଆତଙ୍କିତ ନହେବାକୁ ଜଙ୍ଗଲ ବିଭାଗ ଅଧିକାରୀ କହିଛନ୍ତି ।
ଭିଡିଓ ସୌଜନ୍ୟ :ପ୍ରତିନିଧି, ବୌଦ୍ଧ