ବୌଦ୍ଧ: ବୃଦ୍ଧି ପାଇବାରେ ଲାଗିଛି ବେଆଇନ ଗଞ୍ଜେଇ କାରବାର ସହ ଅପରାଧ । ବୌଦ୍ଧ ଜିଲ୍ଲାର ବିଭିନ୍ନ ଜଙ୍ଗଲ ଅଞ୍ଚଳରେ କପାଚାଷ ନାଁରେ ବେଆଇନ ଗଞ୍ଜେଇ ଚାଷ କରାଯାଉଛି । ତେବେ ବେଆଇନ ଏହି ଗଞ୍ଜେଇ କାରବାରରେ କିଛି ପୋଲିସ, ରାଜସ୍ୱ, ଜଙ୍ଗଲ ଓ ଅବକାରୀ କର୍ମଚାରୀଙ୍କ ସମ୍ପୃକ୍ତି ଥିବା ମଧ୍ୟ ଅଭିଯୋଗ ହୋଇଛି ।
ବେଆଇନ ଗଞ୍ଜେଇ ଚାଷ ଯୋଗୁଁ ଜିଲ୍ଲାରେ ବୃଦ୍ଧିପାଉଛି ଅପରାଧିକ ମାମଲା
ବର୍ତ୍ତମାନ ଜିଲ୍ଲାରେ ଗଞ୍ଜେଇ ଚାଷ ଜୋରସୋରରେ ଚାଲିଥିବା ବେଳେ ଅବକାରୀ ବିଭାଗ କିନ୍ତୁ ନିଘୋଡ଼ ନିଦ୍ରାରେ ଶୋଇ ରହିଛି । ଯାହାକୁ ନେଇ ଅବକାରୀ ବିଭାଗର ପାରିବାପଣିଆ ଉପରେ ଏବେ ଆଙ୍ଗୁଠି ଉଠିଛି । ଜିଲ୍ଲାର ବାଉଁଶୁଣୀ, ମନମୁଣ୍ଡା ଓ କଣ୍ଟାମାଳ ଥାନା ଅଞ୍ଚଳରେ ଏହି ଗଞ୍ଜେଇ ବେପାରକୁ ନେଇ ଦିନକୁ ଦିନ ଅପରାଧିକ କାର୍ଯ୍ୟକଳାପ ମଧ୍ୟ ବୃଦ୍ଧି ପାଉଥିବା ବେଳେ ଅପରାଧୀ ମାନେ ପୋଲିସକୁ ଖୋଲାଖୋଲି ଚ୍ୟାଲେଞ୍ଜ ଦେବା ସହ ପୋଲିସ କବଜାରୁ ଅନାୟାସରେ ଖସି ଯାଉଛନ୍ତି ।