ବୌଦ୍ଧ: କୋରୋନା ବୃଦ୍ଧି ସହିତ ତାଳ ଦେଇ ଅସାମାଜିକ କାର୍ଯ୍ୟକଳାପ ମଧ୍ୟ ବୃଦ୍ଧି ପାଇବାରେ ଲାଗିଛି । ଜିଲ୍ଲାର ବିଭିନ୍ନ ସ୍ଥାନରେ ମାଦକ ଦ୍ରବ୍ୟ, ଗଞ୍ଜେଇ,ରାହାଜାନି, ଜୁଆ ଭଳି ବେଆଇନ କାର୍ଯ୍ୟ ଉପରେ ପୋଲିସ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
କୋରୋନା ସହିତ ତାଳଦେଇ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇବାରେ ଲାଗିଛି । ଲକଡାଉନ ଓ ଅନଲକ ସମୟରେ ବିଶେଷ ଭାବରେ ଯୁବପିଢ଼ି କିଛି ସ୍ଥାନରେ ପଥଭ୍ରଷ୍ଟ ହେଉଥିବା ଦେଖାଯାଇଛି ।
ବୃଦ୍ଧି ପାଉଛି ଅପରାଧିକ ମାମଲା, ପଥଭ୍ରଷ୍ଟ ହେଉଛନ୍ତି ଯୁବବର୍ଗ
ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଗତ କିଛି ଦିନ ମଧ୍ୟରେ ଚୋରା ଗଞ୍ଜେଇ ଚାଲାଣ, ଜୁଆ, ରାହାଜାନି ଭଳି ଘଟଣା ଚିନ୍ତାର କାରଣ ହୋଇଛି । ଗତକାଲି ବୌଦ୍ଧ ଥାନା ଅନ୍ତର୍ଗତ ବନ୍ଧାପଥର ଗ୍ରାମର ଦେବୀ ମନ୍ଦିର ପ୍ରାଙ୍ଗଣରେ ଚାଲିଥିବା ଏକ ବେଆଇନ ଜୁଆ ଆଡ୍ଡାସ୍ଥଳୀ ଉପରେ ପୋଲିସ ଚଢାଉ କରି ଦଶ ହଜାରରୁ ଉର୍ଦ୍ଧ୍ବ ଟଙ୍କା ସହ ଚାରୋଟି ମୋଟର ସାଇକେଲ ଓ ପାଞ୍ଚ ଜଣ ଜୁଆଡିଙ୍କୁ ଗିରଫ କରିଛି ।