ବୌଦ୍ଧ: 12 କୋଟି ଟଙ୍କା ବ୍ୟୟରେ ନିର୍ମିତ ଜେଲକୁ ବର୍ଷେ ନପୁରୁଣୁ କାନ୍ଥ ଓ ଅନ୍ୟାନ୍ୟ ସ୍ଥାନରେ ଦେଖିବାକୁ ମିଳିଥିଲା ଫାଟ । ତେବେ ଏହି ଖବର ଇଟିଭି ଭାରତରେ ପ୍ରସାରଣ ହେବା ପରେ ତରବରିଆ ଭାବେ ଏହାକୁ ମରାମତି କରି ଦୋଷ ଲୁଚାଇବାକୁ ଚାଲିଛି ପ୍ରୟାସ । ବୌଦ୍ଧ ଜିଲ୍ଲାରେ ଏଭଳି ଘଟଣା ଚର୍ଚ୍ଚାର ବିଷୟ ପାଲଟିଛି ।
ଜେଲ ପାଚେରିରେ ଫାଟ ଘଟଣା , ତରବରିଆ ଭାବେ ମରାମତି କରି ତ୍ରୁଟି ଲୁଚାଇବାକୁ ଉଦ୍ୟମ
ସୂଚନା ମୁତାବକ ବୌଦ୍ଧ ଜିଲ୍ଲାର ଏକମାତ୍ର ଜେଲ ସଦର ମହକୁମାର ରାମ ମନ୍ଦିର ନିକଟରେ ଶତାଧିକ ବର୍ଷରୁ ପ୍ରତିଷ୍ଠା ହୋଇଥିଲା । ତେବେ ସ୍ଥାନାଭାବ ଓ ଅନ୍ୟାନ୍ୟ ସମସ୍ୟା ଯୋଗୁଁ ବୌଦ୍ଧ ଠାରୁ ପ୍ରାୟ ୧୦ କିଲୋମିଟର ଦୂର ଲାଣ୍ଡିବନ୍ଧ ନିକଟରେ ବାର କୋଟିରୁ ଉର୍ଦ୍ଧ୍ବ ଟଙ୍କା ବ୍ୟୟରେ ନୂତନ ଜେଲ ନିର୍ମାଣ କରାଯାଇଥିଲା । ଗତ ବର୍ଷ ପୁରୁଣା ଜେଲରୁ ନୂତନ ଜେଲକୁ ସ୍ଥାନାନ୍ତର କରାଯାଇଥିଲା ।