ବୌଦ୍ଧ: ଜିଲ୍ଲାରେ 200 ପାର ହେଲା ଆକ୍ରାନ୍ତଙ୍କ ସଂଖ୍ୟା । ପୁରୁଣାକଟକ ଥାନାରେ 6 ଜଣ ପଜିଟିଭ ଚିହ୍ନଟ ହୋଇଥିବାବେଳେ ବୌଦ୍ଧ ଥାନାର ଏକମାତ୍ର କୋରୋନା ଯୋଦ୍ଧା ସୁସ୍ଥ ହୋଇ ଫେରିବା ପରେ ଇଟିଭି ଭାରତକୁ ନିଜ ଅନୁଭୂତି ବର୍ଣ୍ଣନା କରିଛନ୍ତି ।
ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ଶନିବାର ସୁଦ୍ଧା ମୋଟ 210 ଜଣରେ ପହଞ୍ଚିଛି । ଏହାସହ ପୁରୁଣାକଟକ ଥାନାରେ 6 ଜଣ ଆକ୍ରାନ୍ତ ଚିହ୍ନଟ ହେବା ପରେ ଥାନାକୁ ସିଲ କରାଯାଇଛି । ବାଉଁଶୁଣୀ, ସିମିଳିପଦର,ଖୁଣ୍ଟବନ୍ଧ ପଞ୍ଚାୟତର ସଂକ୍ରମିତ ଅଞ୍ଚଳକୁ ସ୍ଥାନୀୟ ସରପଞ୍ଚ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି । ବୌଦ୍ଧ ଥାନାରେ କାର୍ଯ୍ୟରତ ହୋମଗାର୍ଡ ଆକ୍ରାନ୍ତ ହୋଇ ଚିକିତ୍ସା ପରେ ଶନିବାର ଥାନାରେ ପହଞ୍ଚିବା ପରେ ତାଙ୍କୁ ସମ୍ବର୍ଦ୍ଧନା ଦେଇ ସ୍ବାଗତ କରାଯାଇଥିଲା ।
ଇଟିଭି ଭାରତ ସହ ଅନୁଭୂତି ବାଣ୍ଟିଲେ କୋରୋନା ଯୋଦ୍ଧା