ବୌଦ୍ଧ: ପଞ୍ଚାୟତ ବୈଠକରେ ଦୁର୍ନୀତି ଓ ଅବ୍ୟବସ୍ଥାକୁ ନେଇ ପ୍ରବଳ ହଟ୍ଟଗୋଳ । ପଞ୍ଚାୟତର ନିର୍ଦ୍ଦିଷ୍ଟ କର୍ମଚାରୀଙ୍କ ଯୋଗୁଁ ଉନ୍ନୟନମୂଳକ କାର୍ଯ୍ୟ ବାଧାପ୍ରାପ୍ତ ହେଉଥିବା ଅଭିଯୋଗକୁ ଖୋଦ ସରପଞ୍ଚ ସ୍ବୀକାର କରିଛନ୍ତି । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ପୁରୁଣାକଟକ ପଞ୍ଚାୟତ ଏବେ ବ୍ୟାପକ ଦୁର୍ନୀତିରେ ଉବୁଟୁବୁ ହେଉଥିବା ଅଭିଯୋଗ ହୋଇଛି ।
ପୁରୁଣାକଟକ ପଞ୍ଚାୟତରେ ଦୁର୍ନୀତି
ଶନିବାର ପଞ୍ଚାୟତ ବୈଠକରେ ପଞ୍ଚାୟତର ଓ୍ବାର୍ଡମେମ୍ବରମାନେ ମିଳିତ ଭାବେ ପ୍ରବଳ ହଟ୍ଟଗୋଳ କରିଥିଲେ । ହିତାଧିକାରୀଙ୍କ ଚାଉଳ, କିରୋସିନି ହଡପ ସହ ପାନୀୟ ଜଳ, ଲାଇଟ, ରାସ୍ତା ନିର୍ମାଣ ସବୁ କାର୍ଯ୍ୟରେ ବ୍ୟାପକ ଦୁର୍ନୀତି ଅଭିଯୋଗ କରି ମେମ୍ବରମାନେ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଘେରିବା ସହ ସରପଞ୍ଚ ଅନ୍ୟମାନଙ୍କ ଦ୍ବାରା ପରିଚାଳିତ ଜଣେ କାଠ କଣ୍ଢେଇ ବୋଲି ଅଭିଯୋଗ କରିଛନ୍ତି ।