ବୌଦ୍ଧ: ବୃକ୍ଷକୁ ରକ୍ଷା ବନ୍ଧନରେ ବାନ୍ଧିବା ପରମ୍ପରା ଏବେ ସାରା ଦେଶରେ ପାଳନ ହେଉଥିବା ବେଳେ ବୌଦ୍ଧରେ କୋଭିଡ ଯୋଦ୍ଧାଙ୍କୁ ଯୁବ ଗୋଷ୍ଠୀ ରାକ୍ଷୀ ବାନ୍ଧି ଶୁଭେଚ୍ଛା ଜଣାଇଛନ୍ତି ।
ପୁରପଲ୍ଲୀରେ ସୋମବାର ଆନନ୍ଦ ଉଲ୍ଲାସର ସହିତ ରାକ୍ଷୀ ପୂର୍ଣ୍ଣିମା ଓ ବଳଭଦ୍ର ଜୟନ୍ତୀ ପାଳନ ହେଉଛି । ଏପଟେ ବୌଦ୍ଧ ଜିଲ୍ଲାରୁ ଆରମ୍ଭ ହୋଇଥିବା ବୃକ୍ଷକୁ ରକ୍ଷା ବନ୍ଧନ କାର୍ଯ୍ୟକ୍ରମ ଏବେ ସାରା ଭାରତ ବର୍ଷରେ ପାଳନ କରାଯାଉଛି ।
ଆଜି ବୌଦ୍ଧ ପଞ୍ଚାୟତ ମହାବିଦ୍ୟାଳୟ ବଟନି ଗାର୍ଡେନରେ ଥିବା ଔଷଧୀୟ ବୃକ୍ଷ ଗୁଡିକୁ ଛାତ୍ରଛାତ୍ରୀ, ଅଧ୍ୟାପକ ଓ ଅତିଥିମାନେ ରାକ୍ଷୀ ବାନ୍ଧି ଏହାର ସୁରକ୍ଷା ପାଇଁ ପ୍ରତିଜ୍ଞା କରିଛନ୍ତି ।