ବୌଦ୍ଧ: ଜିଲ୍ଲାର ପୁରାତନ ଶିକ୍ଷାନୁଷ୍ଠାନ ମନମୁଣ୍ଡା ମଧ୍ୟ ଇଂରାଜୀ ବିଦ୍ୟାଳୟରେ ଖେଳପଡିଆରେ ମନମୁଣ୍ଡା ବନ ବିଭାଗ ବୃକ୍ଷରୋପଣ କରିବାରୁ ସ୍ଥାନୀୟ ଅଞ୍ଚଳରେ ବିବାଦ ଦେଖାଦେଇଛି । ବୃକ୍ଷରୋପଣ ପାଇଁ ଅନ୍ୟ ସ୍ଥାନ ଥିଲେ ମଧ୍ୟ ବିଦ୍ୟାଳୟର ଖେଳପଡିଆରେ ଗଛ ଲଗାଯାଉଥିବାରୁ ଲୋକମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ବନବିଭାଗର ଅଜବ ନୀତି, ବିଦ୍ୟାଳୟ ଖେଳପଡିଆ ମଧ୍ୟରେ ବୃକ୍ଷରୋପଣ
ମନମୁଣ୍ଡାଠାରେ ଥିବା ମଧ୍ୟ ଇଂରାଜୀ ବିଦ୍ୟାଳୟଟି 1881 ମସିହାରେ ସ୍ଥାପିତ କରାଯାଇଥିଲା । ଏହି ପୂରାତନ ବିଦ୍ୟାଳୟର ଖେଳପଡିଆ ମଝିରେ ବନବିଭାଗ ଗଛ ଲଗାଇବା ପାଇଁ ନିଷ୍ପତ୍ତି ନେଇଛି । ତେବେ ବନବିଭାଗ ଏହି କାର୍ଯ୍ୟ ଲାଗି ସ୍ଥାନୀୟ ବୁଦ୍ଧିଜୀବୀଙ୍କ କୌଣସି ପରାମର୍ଶ ନେଇନଥିବା ଅଭିଯୋଗ ହୋଇଛି ।