ବାଲ୍ୟବିବାହ-ଶିଶୁ ଶ୍ରମିକ ପ୍ରଥା ବିରୋଧରେ ସ୍ବର ଉତ୍ତୋଳନ ପାଇଁ ଆହ୍ବାନ

ବୌଦ୍ଧରେ ବାଲ୍ୟ ବିବାହ ଓ ଶିଶୁ ଶ୍ରମିକ ପ୍ରଥା ଉଦବେଗଜନକ ରହିଛି । ଯୁବ କେନ୍ଦ୍ର ପକ୍ଷରୁ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ଏହି ପ୍ରଥା ବିରୋଧରେ ସ୍ବରଉତ୍ତୋଳନ କରିବାକୁ ଆହ୍ବାନ ଦିଆଯାଇଛି ।

ବୌଦ୍ଧ:ଜିଲ୍ଲାରେ ଉଦବେଗଜନକ ସ୍ଥିତିରେ ରହିଛି ବାଲ୍ୟବିବାହ ଓ ଶିଶୁ ଶ୍ରମିକ ପ୍ରଥା । ଶୁକ୍ରବାର ଯୁବ ଗୋଷ୍ଠୀର ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଏଭଳି ପ୍ରଥା ବିରୋଧରେ ଯୁବ ଗୋଷ୍ଠୀ ଆଗେଇ ଆସିବାକୁ ଆହ୍ବାନ ଦିଆଯାଇଛି ।

ଜିଲ୍ଲାର ବିଭିନ୍ନ ଉପାନ୍ତ ଅଞ୍ଚଳରେ ଆଜି ମଧ୍ୟ ଏଭଳି ପ୍ରଥା ବଜାୟ ଥିବା ଜଣାପଡିଛି । ଏନେଇ ଶୁକ୍ରବାର ସରସରାସ୍ଥିତ ଲୋକକଳା ବିକାଶ କେନ୍ଦ୍ରଠାରେ ନେହେରୁ ଯୁବ କେନ୍ଦ୍ର ପକ୍ଷରୁ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ରାଷ୍ଟ୍ର ତଥା ସମାଜ ଗଠନରେ ଯୁବବର୍ଗର ଭୂମିକା ସମ୍ପର୍କରେ ଆଲୋଚନା କରାଯାଇଥିଲା । ଏଥିରେ ଦାଣ୍ଡି ଯାତ୍ରାର ସ୍ମୃତିଚାରଣ ସହ ସ୍ବାଧୀନତା ସଂଗ୍ରାମରେ ଯୋଗଦାନ ଦେଇଥିବା ବିପ୍ଲବୀଙ୍କ ସମ୍ପର୍କରେ ଆଲୋଚନା କରାଯାଇଥିଲା ।

ଏହି ଅବସରରେ ବୌଦ୍ଧ ଜିଲ୍ଲାର ବିଭିନ୍ନ ଉପାନ୍ତ ଅଞ୍ଚଳରେ ଆଜି ମଧ୍ୟ ବାଲ୍ୟବିବାହ ତଥା ଶିଶୁ ଶ୍ରମିକ ଭଳି ପ୍ରଥା ଅତ୍ୟନ୍ତ ଉଦବେଗଜନକ ସ୍ଥିତିରେ ରହିଥିବା ନେଇ ଏହାର ନିରାକରଣ ଦିଗରେ ଯୁବ ବର୍ଗ ଆଗେଇ ଆସିବାକୁ ଆହ୍ବାନ ଦିଆଯାଇଛି । କାର୍ଯ୍ୟକ୍ରମରେ ବୌଦ୍ଧ ସହକାରୀ ଜିଲ୍ଲାପାଳ ଅବିନାଶ ପାଣ୍ଡିଆ ମୁଖ୍ୟ ଅତିଥି ରୂପେ ଯୋଗ ଦେଇଥିବାବେଳେ ମନୋଜ ପାଠୀ, ଜ୍ଞାନ ଚାନ୍ଦ ଶତପଥୀ, ପୁପ୍ଷିତା ପ୍ରଧାନ, ସୀତାକାନ୍ତ ସାହୁ ପ୍ରମୁଖଙ୍କ ସହିତ ବିଭିନ୍ନ ପଞ୍ଚାୟତରୁ ଆସିଥିବା ମହିଳା ସରପଞ୍ଚମାନେ ଭାଗ ନେଇଥିଲେ ।

ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ