ବୌଦ୍ଧ: ଲୋକ ନୃତ୍ୟ ଓ ଲୋକ ବାଦ୍ୟରେ ଦୁଲୁକିଲା ବୌଦ୍ଧ ଜିଲ୍ଲା ମହୋତ୍ସବ । ଶେଷରେ ଲୋକ ନୃତ୍ୟରେ ବିହ୍ବଳ ହୋଇ ଜିଲ୍ଲାପାଳ ଓ ଏସପି ମଧ୍ୟ କଳାକାରଙ୍କ ସହ ତାଳରେ ତାଳ ମିଶାଇ ନାଚିଲେ ଢେମସା ।
ବୌଦ୍ଧର ଗୌତମ ବୁଦ୍ଧ ମଣ୍ଡପରେ ଚାଲିଥିବା ଜିଲ୍ଲା ଲୋକ ମହୋତ୍ସବର ଶନିବାର ତୃତୀୟ ସଂଧ୍ୟାରେ ଲୋକନୃତ୍ୟରେ ମଞ୍ଚ ଦୁଲୁକିଲା । ତୃତୀୟ ଦିବସର ମୁଖ୍ୟ ଅତିଥି ଭାବରେ ଶ୍ରମ ମନ୍ତ୍ରୀ ସୁଶାନ୍ତ ସିଂ ତଥା ସମ୍ମାନୀତ ଅତିଥି ରୂପେ ହାସ୍ୟ ଚଳଚ୍ଚିତ୍ର ଅଭିନେତା ଜୟୀରାମ ସାମଲ ,କଣ୍ଟାମାଳ ବ୍ଲକ ଅଧ୍ୟକ୍ଷା ଓ ବୌଦ୍ଧର ପୂର୍ବତନ ଜିଲ୍ଲାପାଳ ମଧୁସୂଦନ ମିଶ୍ର ପ୍ରମୁଖ ଯୋଗ ଦେଇଥିଲେ । ଜୟୀଙ୍କ ହାସ୍ୟ ସହିତ ମ୍ୟାଜିକ ସୋ ଦର୍ଶକଙ୍କୁ ବାନ୍ଧି ରଖିଥିଲା । କିନ୍ତୁ ମଞ୍ଚରେ ଓଡ଼ିଶାର ବିଭିନ୍ନ ସ୍ଥାନରୁ ଆସିଥିବା କଳାକାରଙ୍କ ଲୋକନୃତ୍ୟ ଅତ୍ୟନ୍ତ ଚିତ୍ତାକର୍ଷକ ଥିଲା ।
ବୌଦ୍ଧ ଜିଲ୍ଲା ମହୋତ୍ସବ : ଜିଲ୍ଲାପାଳଙ୍କ ଢେମସାରେ ଦୁଲୁକିଲା ମଞ୍ଚ