ବୌଦ୍ଧ: ଏକଦା ଶିଶୁ ସୁରକ୍ଷା, ବାଲ୍ୟବିବାହ ଓ ଶିଶୁ ଶ୍ରମିକକୁ ନେଇ ସବୁବେଳେ ଚର୍ଚ୍ଚା ରହୁଥିଲା ବୌଦ୍ଧ ଜିଲ୍ଲା । ହେଲେ ଧୀରେ ଧୀରେ ଏବେ ବୌଦ୍ଧର ଚିତ୍ର ବଦଳିବାରେ ଲାଗିଛି । ଜିଲ୍ଲା ପ୍ରଶାସନ, ପୋଲିସ, ଶିଶୁ ସୁରକ୍ଷା ବିଭାଗ ଓ ଚାଇଲ୍ଡଲାଇନର ମିଳିତ ଉଦ୍ୟମରେ ଅନେକାଂଶରେ ଏହିସବୁ ଅପରାଧକୁ ରୋକାଯାଇ ପାରିଛି । ଯେଉଁଥିପାଇଁ ସାରା ରାଜ୍ୟରେ ସମ୍ମାନିତ ହୋଇଛି ବୌଦ୍ଧ ପ୍ରଶାସନ । ତେବେ ଏହିସବୁ ସଫଳତା ପଛରେ ବୌଦ୍ଧ ପୋଲିସର ଗୁରୁତ୍ବପୂର୍ଣ୍ଣ ଭୂମିକା ରହିଛି । ତେଣୁ ସେମାନଙ୍କୁ ସମ୍ମାନ ଜଣାଇବାକୁ ଯାଇ ଚାଇଲ୍ଡଲାଇନ ପକ୍ଷରୁ ଚାଇଲ୍ଡଲାଇନ ସେ ଦୋସ୍ତି ନାମକ ଏ କାର୍ଯ୍ୟକ୍ରମ ଅନୁଷ୍ଠିତ କରାଯାଇଛି ଏବଂ ଏଥିରେ ପୋଲିସ କର୍ମୀଙ୍କୁ ଦୋସ୍ତିର ଡୋରି ବାନ୍ଧିଛି ବିଭାଗ ।
ଶିଶୁ ସୁରକ୍ଷା ପାଇଁ ଚାଇଲ୍ଡଲାଇନ ସେ ଦୋସ୍ତି କାର୍ଯ୍ୟକ୍ରମ ଅନୁଷ୍ଠିତ
ବର୍ତ୍ତମାନ ବୌଦ୍ଧ ଜିଲ୍ଲାର ଶତାଧିକ ଗ୍ରାମକୁ ବାଲ୍ୟବିବାହ ମୁକ୍ତ ଗ୍ରାମ ଘୋଷଣା କରାଯାଇଛି । ଶିଶୁ ସୁରକ୍ଷାକୁ ଅଗ୍ରାଧିକାର ମିଳିଛି । ତଥାପି କେତେକ ସ୍ଥାନରେ ଆଜି ମଧ୍ୟ ଏଭଳି କୁତ୍ସିତ ଘଟଣାବଳୀ ଦେଖିବାକୁ ମିଳୁଛି।