ବୌଦ୍ଧ: ବୌଦ୍ଧ ଧର୍ମର ନାମାନୁସାରେ ନାମିତ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ନିରାଡମ୍ବର ଭାବରେ ବୁଦ୍ଧ ଜୟନ୍ତୀ ପାଳିତ । ଏହି ଅବସରରେ ଲୁମ୍ବିନୀ ପତ୍ରିକା ଲୋକାର୍ପିତ ହୋଇଥିଲା ।
କୋଭିଡ କଟକଣା ମଧ୍ୟରେ ନିରାଡମ୍ବର ଭାବରେ ପାଳନ ହେଲା ବୁଦ୍ଧ ଜୟନ୍ତୀ । ବୌଦ୍ଧ ଧର୍ମର ନାମାନୁସାରେ ନାମିତ ବୌଦ୍ଧ ଜିଲ୍ଲାର ବିଭିନ୍ନ ସଂଗଠନ ପକ୍ଷରୁ ଆଜି(ବୁଧବାର) ପବିତ୍ର ବୈଶାଖ ପୂର୍ଣ୍ଣିମା ଅବସରରେ ବୁଦ୍ଧ ଜୟନ୍ତୀ ପାଳନ କରାଯାଇଛି ।
ବୌଦ୍ଧରେ ନିରାଡମ୍ବର ଭାବରେ ବୁଦ୍ଧ ଜୟନ୍ତୀ ପାଳିତ
ବୌଦ୍ଧ ସହରର ବୁଦ୍ଧ ପାର୍କ ଠାରେ ଥିବା ପ୍ରାଚୀନ ବୁଦ୍ଧ ମୂର୍ତ୍ତି ନିକଟରେ ବୌଦ୍ଧ ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ଉପଜିଲ୍ଲାପାଳ, ପିଡି,ବିଡିଓ, ପୌର ଅଧିକାରୀ ପ୍ରମୁଖ ପହଞ୍ଚି ପୁଷ୍ପ ମାଲ୍ୟ ଅର୍ପଣ କରିବା ସହ ପୂଜାର୍ଚ୍ଚନା କରିଥିଲେ । ସେହିପରି ରାମେଶ୍ୱର ମନ୍ଦିର, ମହାନଦୀ ବିହାର ପାର୍କ, ଶ୍ୟାମସୁନ୍ଦର ପୁର ଓ ପରଗଳପୁର ଭଳି ସ୍ଥାନ ଗୁଡିକରେ ଥିବା ବୁଦ୍ଧଙ୍କ ପ୍ରତିମାରେ ପ୍ରଶାସନ ପହଞ୍ଚି ପୂଜାର୍ଚ୍ଚନା କରିଥିଲା ।