ଘାଟି ରାସ୍ତାରେ ଓଲଟିଲା ବସ, ଅଳ୍ପକେ ବର୍ତ୍ତିଲେ ୪୦ ଯାତ୍ରୀ

ରବିବାର ବିଳମ୍ବିତ ରାତିରେ ଭୁବନେଶ୍ବରରୁ ଫୁଲବାଣୀ ଅଭିମୁଖେ ସାରଳା ନାମକ ଏକ ଘରୋଇ ବସ ଯାଉଥିଲା । ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ମାଧପୁର ଛକର ଢାବା ନିକଟରେ ରାସ୍ତା କଡକୁ ଖସି ପଡିଥିଲା । ୪୦ରୁ ଉର୍ଦ୍ଧ୍ବ ଯାତ୍ରୀ ଅଳ୍ପକେ ମୃତ୍ୟୁମୁଖରୁ ବର୍ତ୍ତିଯାଇଛନ୍ତି । ଅଧିକ ପଢନ୍ତୁ

ବୌଦ୍ଧ: ଘାଟି ରାସ୍ତାରେ ଓଲଟିଲା ଯାତ୍ରୀବାହୀ ବସ । ୪୦ରୁ ଉର୍ଦ୍ଧ୍ବ ଯାତ୍ରୀ ଅଳ୍ପକେ ମୃତ୍ୟୁମୁଖରୁ ବର୍ତ୍ତିଯାଇଛନ୍ତି । ସୂଚନା ମୁତାବକ ଗତକାଲି (ରବିବାର) ବିଳମ୍ବିତ ରାତିରେ ଭୁବନେଶ୍ବରରୁ ଫୁଲବାଣୀ ଅଭିମୁଖେ ସାରଳା ନାମକ ଏକ ଘରୋଇ ବସ ଯାଉଥିଲା । ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ମାଧପୁର ଛକର ଢାବା ନିକଟରେ ବସଟି ରାସ୍ତା କଡକୁ ଖସି ପଡିଥିଲା ।

ବସଟି ଭାରସାମ୍ୟ ହରାଇ କିମ୍ବା ଡ୍ରାଇଭରଙ୍କ ଅସାବଧାନତା ଯୋଗୁଁ 57 ନମ୍ବର ଜାତୀୟ ରାଜପଥ କଡର ଏକ କେନାଲ ଆଡକୁ ଅଧା ଖସି ରହିଯାଇଥିଲା । ଝୁଲି ରହିଥିବା ବସରୁ ଆହତ ଯାତ୍ରୀଙ୍କୁ ଉଦ୍ଧାର କରାଯାଇ ପ୍ରଥମେ ଆଢେଣୀଗଡ ଗୋଷ୍ଠୀସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ଘଟଣା ସ୍ଥାନରେ ଆଢେଣୀଗଡ ଫାଣ୍ଡି ଓ ପୁରୁଣାକଟକ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ