ବୌଦ୍ଧ: କୋରୋନା ଭାଇରସ ଏବେ ମହାମାରୀର ରୂପ ନେବାକୁ ବସିଛି । କୋରୋନା ଆକ୍ରାନ୍ତଙ୍କ ପାଇଁ କେତେ ପ୍ରସ୍ତୁତ ଅଛି ଜିଲ୍ଲା ମୁଖ୍ୟ ଡାକ୍ତରଖାନା ତାହା ଆମେ ଜାଣିବାକୁ ଚେଷ୍ଟା କରୁଥିଲି । ତେବେ ଡାକ୍ତରଖାନାର ପାରିପାର୍ଶ୍ବିକ ଅବସ୍ଥାରୁ ଏହା କେତେ ପ୍ରସ୍ତୁତ ତାହା ତତ୍କ୍ଷଣାତ୍ ବୁଝା ପଡିଯାଇଥିଲା ।
ସ୍ବଚ୍ଛତା ପାଇଁ ମିଳିଛି ପୁରସ୍କାର, ପ୍ରକୃତ ଚିତ୍ର ସମ୍ପୂର୍ଣ୍ଣ ଓଲଟା
କୋରୋନା ଭାଇରସ ସମ୍ପର୍କରେ ବୌଦ୍ଧ ଜିଲ୍ଲା ପ୍ରଶାସନ ପଞ୍ଚାୟତ ସ୍ତରରେ ପ୍ରସ୍ତୁତି ଆରମ୍ଭ କରିଛି । ତେବେ ଏହି ଭୂତାଣୁ ପୀଡ଼ିତଙ୍କ ପାଇଁ ଜିଲ୍ଲା ମୁଖ୍ୟ ଡାକ୍ତରଖାନାରେ ବ୍ୟାପକ ବନ୍ଦୋବସ୍ତ ହେବା କଥା । ଡାକ୍ତରଖାନା ପରିସର ବର୍ତ୍ତମାନ ସମୟରେ ପରିସରକୁ ଅତ୍ୟନ୍ତ ସ୍ବଚ୍ଛ ରଖିବାକୁ ଜିଲ୍ଲାପାଳ ଲଲାଟେନ୍ଦୁ ମିଶ୍ର ନିର୍ଦ୍ଦେଶ ଦେଇଛନ୍ତି । କିନ୍ତୁ ବାସ୍ତବରେ ଅତ୍ୟନ୍ତ ପୂତ୍ତ ଗନ୍ଧମୟ ଅବସ୍ଥାରେ ମୁଖ୍ୟ ଡାକ୍ତରଖାନା ରହିଥିବା ଦେଖିବାକୁ ମିଳିଛି ।