ବୌଦ୍ଧ: ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ତଥା ତା ଉପରେ ନିର୍ମାଣ ହୋଇଥିବା ସେତୁ ଅତ୍ୟନ୍ତ ନିମ୍ନ ମାନର ହୋଇଯିବାରୁ ସେତୁଟି ସମ୍ପୂର୍ଣ୍ଣ ଧୋଇଯାଇ ଯାତାୟାତର ସମସ୍ୟା ସୃଷ୍ଟି ହୋଇଛି । ଗତ ତିନିଦିନ ଧରି ଲାଗିରହିଥିବା ଲଘୁଚାପ ଜନିତ ବର୍ଷା ଯୋଗୁଁ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ସମ୍ଭାବ୍ୟ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା ।
ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଧୋଇଗଲା ସେତୁ
ବୌଦ୍ଧ ବ୍ଲକ ଅନ୍ତର୍ଗତ ଖୁଣ୍ଡବନ୍ଧ ପଞ୍ଚାୟତ କାର୍ଯ୍ୟାଳୟ ଠାରୁ ଚଣ୍ଡିଗଡକୁ ସଂଯୋଗ କରୁଥିବା ପ୍ରଧାନମନ୍ତ୍ରୀ ସଡକର ଷଣ୍ଢବାହାଲ ସେତୁ ପ୍ରଖର ବନ୍ୟା ସ୍ରୋତରେ ସମ୍ପୂର୍ଣ୍ଣ ଧୋଇଯାଇଛି । ଗତକାଲି ଅପରାହ୍ନରେ ଚଣ୍ଡିଗଡ ସମେତ ପାଞ୍ଚରୁ ଊର୍ଦ୍ଧ୍ବ ଗ୍ରାମକୁ ସଂଯୋଗ କରୁଥିବା ଏହି ସେତୁଟି ଧୋଇ ଯାଇଥିଲା ।