ବୌଦ୍ଧ: ଲକଡାଉନ ସମୟରେ ବେଆଇନ ଇଟାଭାଟି ମାଲିକଙ୍କ ଦାଦାଗିରି । ସମସ୍ତ ସରକାରୀ କଟକଣାକୁ ବେଖାତିର କରି ଟ୍ରକ ଟ୍ରକ ପଥର କୋଇଲା ଆଣି ଶ୍ରମିକଙ୍କୁ କାର୍ଯ୍ୟରେ ନିୟୋଜିତ କରୁଥିଲେ । ଘଟଣାର ସୁରାକ ପାଇ ବାଉଁଶୁଣୀ ପୋଲିସ ଦୁଇଟି ଟ୍ରକକୁ ଜବତ କରି ଦୁଇଜଣଙ୍କୁ ଗିରଫ ପରେ ମାଫିଆ ମାନେ ଉତ୍ୟକ୍ତ ହୋଇ ଜଣେ ଯୁବକକୁ ପୋଲିସ ଇନଫରମର ସନ୍ଦେହରେ ଆକ୍ରମଣ କରିଥିବା ଥାନାରେ ଅଭିଯୋଗ ହୋଇଛି ।
ଲକଡାଉନ ସମୟରେ ବେଆଇନ ଇଟାଭାଟି ମାଫିଆଙ୍କ ଦାଦାଗିରି
ଲକଡାଉନ ଯୋଗୁଁ ଏବେ ସବୁଆଡେ ଶୂନସାନ । କିନ୍ତୁ ଗ୍ରାମାଞ୍ଚଳରେ ମାଫିଆ ମାନେ ଖୁଲମଖୁଲା ଏହି ନିୟମକୁ ଉଲଙ୍ଘନ କରି ବେଆଇନ ଇଟାଭାଟି ତିଆରି କରୁଥିବା ଅଭିଯୋଗ ହୋଇଛି । ଏପରିକି ପ୍ରତ୍ୟେକ ଦିନ ବହୁ ଶ୍ରମିକଙ୍କୁ ଏକତ୍ରିତ କରି ସାମାଜିକ ଦୂରତା ନିୟମକୁ ଉଲଙ୍ଘନ ସହିତ ଜିଲ୍ଲା ବାହାରୁ ଟ୍ରକ ଟ୍ରକ ପଥର କୋଇଲା ଆଣି ଏହି ବେଆଇନ କାର୍ଯ୍ୟ ଚଲାଇଥିଲେ । ଏହାର ଖବର ପାଇ ବାଉଁଶୁଣୀ ଥାନା ଅନ୍ତର୍ଗତ ମୁଣ୍ଡିପଦର ପଞ୍ଚାୟତରେ ଚଢାଉ କରି ଦୁଇଟି କୋଇଲା ବୋଝେଇ ଟ୍ରକ ସହିତ ଦୁଇ ଡ୍ରାଇଭରକୁ ଗିରଫ କରାଯାଇଛି ।