ଗୋଟିଏ ଡାକ୍ତରଙ୍କ ଭରସାରେ 12 ପଞ୍ଚାୟତବାସୀ

ଡାକ୍ତର ଅଭାବ ସାଙ୍ଗକୁ ଘନଘନ ବିଦ୍ୟୁତ କାଟ । ପରିମଳ ବ୍ୟବସ୍ଥା ଠାରୁ ପାନୀୟ ବ୍ୟବସ୍ଥା ଏକପ୍ରକାର ଶୋଚନୀୟ ହୋଇପଡିଥିବା ବେଳେ ହନ୍ତସନ୍ତ ହେଉଛନ୍ତଛି ରୋଗୀ। ଏ ଅଭାବନୀୟ ଦୃଶ୍ୟ ହେଉଛି ବୌଦ୍ଧ ଜିଲ୍ଲାର ।

ବୌଦ୍ଧ: ଆଶା ଭରସାରେ ଚାଲିଛି ରୋଗୀ ଚିକିତ୍ସା । ଡାକ୍ତର ଅଭାବ ସାଙ୍ଗକୁ ଡାକ୍ତରଖାନାରେ ଘନ ଘନ ବିଦ୍ୟୁତ କାଟ ଓ ପାନୀୟ ଜଳର ଦେଖାଦେଇଛି ସମସ୍ୟା । ଏଭଳି ଅବ୍ୟବସ୍ଥା ଘେରରେ ରହିଛି ବୌଦ୍ଧ ଜିଲ୍ଲାର ପୁରୁଣାକଟକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ।

12ଟି ପଞ୍ଚାୟତବାସୀ ଏହି ଚିକିତ୍ସା କେନ୍ଦ୍ର ଉପରେ ଭରସା କରୁଛନ୍ତି । କିନ୍ତୁ ଏଠାରେ ମାତ୍ର ଗୋଟିଏ ଡାକ୍ତର । କେବଳ ଡାକ୍ତର ଅଭାବ ନୁହେଁ, ଘନ ଘନ ବିଦ୍ୟୁତ କାଟକୁ ନେଇ ହସ୍ତସନ୍ତ ହେଉଛନ୍ତି ରୋଗୀ । ଏପରିକି ପରିମଳ ବ୍ୟବସ୍ଥା ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି ।

ସେପଟେ, ଷ୍ଟାଫ କ୍ବାର୍ଟର ଗୁଡି଼କ ଭୂତକୋଠୀ ପାଲଟିଥିବାକୁ ବସିଥିବା ବେଳେ ବର୍ଷ। ଦିନରେ ଅବସ୍ଥା ଆହୁରି ସାଂଘାତିକ ହେବାର ସମ୍ଭାବନା ରହିଛି ।

ତେବେ ଏହି ସବୁ ସମସ୍ୟାର ସମାଧାନ ପାଇଁ ଅଞ୍ଚଳବାସୀ ସରକାରଙ୍କ ନିକଟରେ ନିଜର ଦାବି ଉପସ୍ଥାପନ କରିଆସୁଛନ୍ତି ।

ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ