ବୌଦ୍ଧ: ଜିଲ୍ଲାରେ ଚାଞ୍ଚଲ୍ୟ । ମିଳିଲା ନିଖୋଜ ପଙ୍କଜିନୀଙ୍କ ମୃତଦେହ । ତେଲିବନ୍ଧ ହାଟପଦା ନିକଟସ୍ଥ ଏକ ବୁଦାମୂଳରେ ତାଙ୍କ ମୃତଦେହ ଠାବ କରିଛି ପୋଲିସ । ଦୀର୍ଘ 8 ଦିନ ହେଲା ସେ ନିଖୋଜ ଥିଲେ । ଏସପିଙ୍କ ନିର୍ଦ୍ଦେଶ କ୍ରମେ ପୋଲିସ ବହୁ ଖୋଜାଖୋଜି ପରେ ତାଙ୍କ ମୃତଦେହ ଉଦ୍ଧାର କରିଛି ।
ଆଠ ଦିନ ପରେ ମିଳିଲା ନିଖୋଜ ପଙ୍କଜିନୀଙ୍କ ମୃତଦେହ
ସୂଚନା ଅନୁସାରେ, ଗତ 8 ଦିନ ହେଲା ନିଖୋଜ ଥିଲେ ପଙ୍କଜିନୀ । ତାଙ୍କୁ ହତ୍ୟା କରାଯାଇଥିବା ସନ୍ଦେହ କରିଥିଲେ ପରିବାର ଲୋକେ । ପଙ୍କଜିନୀଙ୍କ ନିଖୋଜ ଖବର ଇଟିଭି ଭାରତରେ ପ୍ରସାରଣ ହେବା ପରେ ତଦନ୍ତ ନିର୍ଦ୍ଦେଶ ଦେଇଥିଲେ ଏସପି । ବହୁ ଖୋଜଖୋଜି ପରେ ତାଙ୍କ ମୃତଦେହ ଏକ ବୁଦାମୂଳରୁ ଉଦ୍ଧାର କରାଯାଇଛି । ତାଙ୍କୁ ହତ୍ୟା ପରେ ଫୋପଡି ଦିଆଯାଇଥିବା ସନ୍ଦେହ କରାଯାଉଛି ।