ବୌଦ୍ଧ: ପ୍ରାଚୀନ ସମୟରେ ଲୋକଙ୍କୁ ମନୋରଞ୍ଜନର ଖୋରାକ ଯୋଗାଉଥିବା ଲୋକକଳା ବର୍ତ୍ତମାନ ବିଲୁପ୍ତ ପ୍ରାୟ । ଏହି କଳାକୁ ବଞ୍ଚାଇ ରଖିଥିବା କଳାକାର ମଧ୍ୟ ଦୁର୍ଦ୍ଦିନରେ କାଳ କାଟୁଛନ୍ତି । ଯାହାମଧ୍ୟରେ ବୌଦ୍ଧ ଜିଲ୍ଲାର କେତେକ ଜଙ୍ଗଲ ଅଞ୍ଚଳରେ ବସବାସ କରୁଥିବା ଡୁରା ଜନଜାତି ଅନ୍ୟତମ ।
ସରକାରୀ ଯୋଜନାରୁ ବହୁ ଦୂରରେ ଡୁରା ସମ୍ପ୍ରଦାୟ, ବଣ ମଣିଷ ଭଳି ବଞ୍ଚୁଛନ୍ତି ଜନଜାତି
ଏହି ସମ୍ପ୍ରଦାୟ ରାଜତନ୍ତ୍ର ଶାସନ କାଳରେ ଲୋକଙ୍କୁ ମୁଣ୍ଡ ତୁପା, ଘୁଡୁକା, କେନ୍ଦରା, ଘୋଡାନାଚ, ବହୁଡେଗା ଭଳି ମନୋରଞ୍ଜନଧର୍ମୀ ଲୋକ ନାଚ ତଥା ଖେଳ ପ୍ରଦର୍ଶନ କରୁଥିଲେ । ହେଲେ ସମ୍ପ୍ରତ୍ତି ଆଧୁନିକତାର ଚାକଚକ୍ୟ ତଥା ଡିଜିଟାଲ ଯୁଗରେ ଏହି କଳା ସମାଜଠାରୁ ଅନତି ଦୂରରେ । ଏବେ କେବେ କେଉଁଠି, ଘୁଡୁକା ବଜାଇ ମଙ୍ଗଳା ମେଢ କରି ମାଗି ଯାଚି ଚଳୁଛନ୍ତି ଏହି ଜନଜାତି । କାରଣ ସରକାରୀ ଯୋଜନା ଏମାନଙ୍କ ପାଇଁ ସାତ ସପନ ।