ବୌଦ୍ଧ: ଜିଲ୍ଲାରେ ହରିଲୁଟ ହେଉଛି ସରକାରୀ ଖଣିଜ ସମ୍ପଦ । ବାଲି, ପଥର ପାଇଁ ସରକାରଙ୍କ ନିର୍ଦ୍ଦିଷ୍ଟ ନୀତି ନିୟମ ରହିଥିବା ବେଳେ ଅଧିକାଂଶ ସମୟରେ ଏ ସବୁର ବ୍ୟାପକ ଲୁଟ ହେଉଥିବା ଅଭିଯୋଗ ହୋଇଆସୁଛି । ବୌଦ୍ଧ ଜିଲ୍ଲାର ତିନିଗୋଟି ତହସିଲ ଅଧିନରେ ଅନେକ ବାଲିଘାଟ ମୁକୁଳା ପଡିଥିବାବେଳେ ଏହାର ସୁଯୋଗ ନେଇ ବାଲି ମାଫିଆ ଲୁଟ୍ କରୁଛନ୍ତି ।
ଖଣିଜ ସମ୍ପଦ ଲୁଟ୍ ଉପରେ ରୋକ ଲଗାଇବାକୁ ଆକ୍ସନ ମୋଡରେ ବୌଦ୍ଧ ପ୍ରଶାସନ
ଗୁରୁବାର ଏକ ଘଟଣା କ୍ରମରେ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଜରିଖଣ୍ଡି ପରିଦର୍ଶନ କରୁଥିବା ସମୟରେ ସହରର ଭୈରବୀ ମନ୍ଦିର ପରିସରରେ ଶହ ଶହ ଟ୍ରିପ ବାଲି ଗଚ୍ଛିତ ଥିବା ଦେଖି ଆଶ୍ଚର୍ଯ୍ୟ ପ୍ରକାଶ କରିଥିଲେ । ଏଥିସହ ଏନେଇ ତୁରନ୍ତ ପଦକ୍ଷେପ ପାଇଁ ଉଭୟ ପୌର ପ୍ରଶାସନ ଓ ରାଜସ୍ୱ ବିଭାଗକୁ ନିର୍ଦ୍ଦେଶ ଦେଇଥିଲେ ।