ବୌଦ୍ଧ: ଏଠାରେ ଚାଲିଥିବା 3 ଦିନିଆ ଦୃଷ୍ଟିହୀନ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟରେ ମୟୂରଭଞ୍ଜ ଦଳ ବିଜୟୀ ହୋଇଛି ।
ଭିଡିଓ ସୌଜନ୍ୟ:ପ୍ରତିନିଧି, ବୌଦ୍ଧ
ସୂଚନା ଅନୁଯାୟୀ, କଚେରୀ ପଡିଆଠାରେ ଖେଳାଯାଉଥିବା ରାଜ୍ୟସ୍ତରୀୟ ଦୃଷ୍ଟିହୀନ କ୍ରିକେଟ ଟୁର୍ଣ୍ଣାମେଣ୍ଟ ଶନିବାର ସମାପ୍ତ ହୋଇଛି । ଏହି ଟୁର୍ଣ୍ଣାମେଣ୍ଟରେ ସମୁଦାୟ ସାତଟି ମ୍ୟାଚ ହୋଇଥିବା ବେଳେ ଫାଇନାଲରେ ବାଲେଶ୍ବରକୁ ସାତ ରନରେ ହରାଇ ମୟୂରଭଞ୍ଜ ଚାମ୍ପିଅନ ହୋଇଛି ।
ଏହି ଟୁର୍ଣ୍ଣାମେଣ୍ଟକୁ ଆୟୋଜନ କରିଥିବା ବେଳେ ଦଶ ଓଭର ବିଶିଷ୍ଟ ମ୍ୟାଚରେ ବି-୧ରେ ୩୨ ଜଣ, ବି-୨ରେ ୨୪ ଜଣ ଏବଂ ବି-୩ରେ ୩୨ ଜଣ ସମୁଦାୟ ଖେଳାଳି ଯୋଗ ଦେଇଥିଲେ । ଫାଇନାଲରେ ମୟୂରଭଞ୍ଜ ଦଳ ପ୍ରଥମେ ବ୍ୟାଟିଂ କରି ୧୨୨ ରନ୍ କରିଥିବା ବେଳେ ବାଲେଶ୍ବର ଦଳ ଦଶ ଓଭର ମଧ୍ୟରେ ମାତ୍ର ୧୧୫ ରନ କରିପାରିଥିଲା ।