ବୌଦ୍ଧ: ଶେଷରେ ଧରାପଡିଲା ବାଇକ ଚୋର । ବୌଦ୍ଧରେ ଗତ ପ୍ରାୟ ଏକମାସ ହେବ, ଲଗାତାର ଦାମୀ ମୋଟର ସାଇକେଲ ଚୋରି ନେଇ ଅଭିଯୋଗ ହେଉଥିଲା । ଶନିବାର ଭୈରବୀ ଛକରେ ସାପ୍ତାହିକ ହାଟ ଥିବାରୁ ଲୋକଙ୍କ ଭିଡ ରହିଥିଲା । ମୋଟର ସାଇକେଲ ରଖି ଲୋକେ ହାଟକୁ ପରିବା କିଣିବାକୁ ଯିବାପରେ ବାଇକ ଉପରେ ନଜର ରଖିଥିଲା ରାଜା ନାମକ ଚୋର । ଆଉ ସବୁଦିନ ପରି ପୁଣି ଏକ ଦାମୀ ବାଇକ ଚୋରି କରି, ଚମ୍ପଟ ମାରିବା ଲକ୍ଷ୍ୟରେ ଥିଲା ରାଜା ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ତେବେ ଠିକ ସମୟରେ ଲୋକଙ୍କ ହାତରେ ଧରାପଡିଗଲା । ଏହାର ଏକ ଭିଡିଓ ବୌଦ୍ଧ ଅଞ୍ଚଳରେ ଭାଇରାଲ ହେବାରେ ଲାଗିଛି । ଅଭିଯୁକ୍ତ ଜଣକ ସୋନପୁର ଜିଲ୍ଲାର ହରଡଖୋଲ ନିକଟସ୍ଥ କଂସର ଗ୍ରାମର ରାଜା ମେହେର ବୋଲି ଜଣାପଡ଼ିଛି । ଲୋକେ ଚୋରକୁ କାବୁ କରି ଉତ୍ତମ ମଧ୍ୟମ ଦେବାପରେ ଥାନାରେ ଦେଇଛନ୍ତି ।