ଭୁବନେଶ୍ବର: ରାଜ୍ୟରେ ପଞ୍ଚମ ଥର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦାୟିତ୍ବ ନେବାପରେ ଶାସନ ବ୍ୟବସ୍ଥାକୁ ଆହୁରି ସରଳ ଓ କ୍ରିୟାଶୀଳ କରିବା ପାଇଁ ଆରମ୍ଭ କରିଛନ୍ତି ‘5ଟି’ ଏବଂ ‘ମୋ ସରକାର’ । ଏହା ମାଧ୍ୟମରେ ଶାସନ ବ୍ୟବସ୍ଥା ଓ ଅବ୍ୟବସ୍ଥାକୁ ସଜାଡୁଛନ୍ତି ରାଜ୍ୟ ସରକାର । ପ୍ରାଥମିକତା ଭାବେ ଏବେ ହସ୍ପିଟାଲକୁ ଗୁରୁତ୍ବ ଦେଇଛନ୍ତି । ସେଥିପାଇଁ 5ଟି ସଚିବ ଓ ତାଙ୍କ ଟିମ ବିଭିନ୍ନ ଜିଲ୍ଲା ଗସ୍ତ କରି ଚିକିତ୍ସା ବ୍ୟବସ୍ଥା ଅନୁଧ୍ୟାନ କରି ମୁଖ୍ୟମନ୍ତ୍ରୀଙ୍କୁ ରିପୋର୍ଟ ଦେଉଛନ୍ତି।
5ଟି ସଚିବଙ୍କ ବୌଦ୍ଧ ଗସ୍ତ ବେଳେ ଯାହା ପ୍ରତିଶ୍ରୃତି ଦିଆଯାଇଥିଲା ସେ ସମ୍ପର୍କରେ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଆଉ ଏହି ଘୋଷଣା ପରେ ଜିଲ୍ଲାବାସୀ ଖୁସି ବ୍ୟକ୍ତ କରି ଆଜି ଶତାଧିକ ଜନତା, ବୁଦ୍ଧିଜୀବି, ଓକିଲ ସଂଘ, ବଣିକ ସଂଘ ନବୀନ ନିବାସ ଆସି ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେବାସହ ସମ୍ବର୍ଦ୍ଧନା ଜ୍ଞାପନ କରିଛନ୍ତି । ଏହି ଅବସରରେ ବୌଦ୍ଧ ବିଧାୟକ ପ୍ରଦୀପ ଅମାତ ଉପସ୍ଥିତ ଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର