ବୌଦ୍ଧ: ସରୁନି ଦାଦନ ଶ୍ରମିକଙ୍କ ଦୁଃଖ । ପୁଣି ରାଜ୍ୟ ବାହାରକୁ ଦାଦନ ଖଟିବାକୁ ବାହାରିଲେଣି ଶ୍ରମିକ । ତେବେ ନାନା ସମସ୍ୟାରେ ଘାଣ୍ଟି ହେଉଥିବା ଶ୍ରମିକ ଏବେବି ଲକଡାଉନ ସହାୟତା ପାଇ ନଥିବା ଅଭିଯୋଗ କରିଛନ୍ତି ।
ଦାଦନ ଦୁଃଖରେ ଉବୁଟୁବୁ ବୌଦ୍ଧ ଜିଲ୍ଲା । ଜିଲ୍ଲାର ବିଭିନ୍ନ ସ୍ଥାନରୁ ବର୍ତ୍ତମାନ ପୁଣିଥରେ ରାଜ୍ୟ ବାହାରକୁ ଦାଦନ ଖଟିବାକୁ ବାହାରିଲେଣି । ସରକାର ଲକଡାଉନ ସମୟରେ ଶ୍ରମିକଙ୍କ ସହାୟତା ପାଇଁ 15 ଶହ ଟଙ୍କା ଯୋଗାଇ ଦେଇଥିବାବେଳେ ଅଦ୍ୟାବଧି କେତେକ ନିର୍ମାଣ ଶ୍ରମିକ ଏହି ସହାୟତା ରାଶି ପାଇ ନଥିବା ଅଭିଯୋଗ କରିଛନ୍ତି । ଗତ ରବିବାର ତିଲେଶ୍ବର ପଞ୍ଚାୟତ ବୁରୁବୁଡା ଗ୍ରାମର ଜଣେ ଦାଦନଙ୍କ ଗୁଜରାଟ ଠାରେ ଦୁଃଖଦ ମୃତ୍ୟୁ ହୋଇଛି । କୋରୋନା କଟକଣା ଯୋଗୁଁ ସରକାର ବିଭିନ୍ନ ଯୋଜନ ଘୋଷଣା କରିଥିଲେ କିନ୍ତୁ ଲୋକଙ୍କୁ ଯେଉଁ ପଇସା ମିଳିବା କଥା ତାହା ମିଳିନାହିଁ । ବର୍ତ୍ତମାନ କୌଣସି କାମ ନାହିଁ ଘରେ ଖାଲି ରହିବା ଅପେକ୍ଷା ବାହାରକୁ ଯିବା ପାଇଁ ବାଧ୍ୟ ହେଉଛୁ ବୋଲି ଶ୍ରମିକମାନେ କହିଛନ୍ତି ।
ବୌଦ୍ଧରୁ ଆରମ୍ଭ ହେଲାଣି ବାହାର ରାଜ୍ୟକୁ ଦାଦନ ଚାଲାଣ