ଭିନ୍ନକ୍ଷମ ବେବିକୁ ବୌଦ୍ଧ ଜିଲ୍ଲା ପ୍ରଶାସନର ସହାୟତା

ନାରାୟଣ ନଗର ଗ୍ରାମର ଭିନ୍ନକ୍ଷମ ଝିଅ ବେବିଙ୍କୁ ଜିଲ୍ଲା ପ୍ରଶାସନ ତରଫରୁ ଆର୍ଥିକ ସହାୟତା ସହିତ ଏକ ତିନି ଚକିଆ ସାଇକେଲ ପ୍ରଦାନ କରାଯାଇଛି ।

ବୌଦ୍ଧ: ଲକ୍ଷ୍ମୀ ପ୍ରସାଦ ପଞ୍ଚାୟତ ଅନ୍ତର୍ଗତ ନାରାୟଣ ନଗର ଗ୍ରାମର ଭିନ୍ନକ୍ଷମ ଝିଅ ବେବିଙ୍କୁ ଜିଲ୍ଲା ପ୍ରଶାସନ ସହାୟତାର ହାତ ବଢାଇଛି । ଏହି କ୍ରମରେ ପ୍ରଶାସନ ପକ୍ଷରୁ ବେବିଙ୍କୁ ଆର୍ଥିକ ସହାୟତା ସହିତ ଏକ ତିନି ଚକିଆ ସାଇକେଲ ପ୍ରଦାନ କରିଛି । ଏହି ଅବସରରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ପିଡି ସୂର୍ଯ୍ୟ ନାରାୟଣ ଦାସ ଓ ଅନ୍ୟ ଅଧିକାରୀମାନେ ବେବିର ଉଜ୍ବଳ ଭବିଷ୍ୟତ କାମନା କରିଥିଲେ ।

ସୂଚନାଯୋଗ୍ୟ, ପିଲାବେଳୁ ଠିକଠାକ ଥିଲା ବେବି । କିନ୍ତୁ ଗତ ଚାରିବର୍ଷ ତଳେ ହଠାତ ଏକ ଅଜଣା ରୋଗରେ ଆକ୍ରାନ୍ତ ହୋଇ ଶାରୀରିକ ଓ ମାନସିକ ସ୍ତରରେ ଗଭୀର ଆଘାତ ପାଇ ଆଉ ଚଳପ୍ରଚଳ କରିପାରିଲା ନାହିଁ । ଏପଟେ ପିତାମାତାଙ୍କ ଅର୍ଥାଭାବରୁ ବେବିର ଚିକିତ୍ସା ଠିକରେ ହୋଇପାରିଲା ନାହିଁ । ଏହାପରେ ବେବି ଓଠରୁ ହସ ହଜିଯାଇଥିଲା । ହେଲେ ପ୍ରଶାସନର ସାହାଯ୍ୟ ପରେ ପୁଣି ତା ମୁହଁରେ ହସ ଫୁଟିଛି ।

ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ