ବୌଦ୍ଧ: ମହାମାରୀ କୋରୋନା ବିରୋଧରେ ସାରା ଦେଶରେ ଆରମ୍ଭ ହୋଇଛି ମହାସଂଗ୍ରାମ । ଏହି ଭାଇରସକୁ ପରାସ୍ତ କରିବା ପାଇଁ ସାରା ଦେଶ ପ୍ରତିଶୃତିବଦ୍ଧ । ଯେଉଁଥିପାଇଁ ପ୍ରଧାନମନ୍ତ୍ରୀ ମୋଦି ଦେଶବାସୀଙ୍କୁ ଲକଡାଉନ ପାଳନ ପାଇଁ ଅନୁରୋଧ କରିଛନ୍ତି । ଯାହା ବୌଦ୍ଧରେ ମଧ୍ୟ ପାଳନ ହେଉଛି ।
ଲକଡାଉନ ପ୍ରଭାବ; ବୌଦ୍ଧରେ ବଢିଲା ପରିବା ଦର
ବୁଧବାର ବୌଦ୍ଧରେ ଲକଡାଉନ ଘୋଷଣା ହେବାପରେ ହଠାତ କିଛି ଅତ୍ୟାବଶ୍ୟକ ସାମଗ୍ରୀର ମୁଲ୍ୟ ବଢିଯାଇଥିଲା । ତେବେ କେମିତି ଥିଲା ବୌଦ୍ଧରେ ଲକଡାଉନର ପ୍ରଥମ ଦିନ ତାହା ପରଖିଥିଲା ଇଟିଭି ଭାରତ । ଲକଡାଉନ ଘୋଷଣା ହେବାପରେ ଦୈନିକ ବଜାରକୁ ଏକ ନୂତନ ସ୍ଥାନକୁ ସ୍ଥାନାନ୍ତରିତ କରାଯାଇଥିଲା । ବୌଦ୍ଧର ଦୈନିକ ବଜାରରୁ ଗହଳି ଏଡାଇବା ପାଇଁ ପ୍ରଶାସନ ନିକଟସ୍ଥ ଛାପାଖାନା ପଡିଆରେ ବଜାର ବସାଇବା ପାଇଁ ନିର୍ଦ୍ଦେଶ ଦେଇଥିଲେ । ବୁଧବାର ଲକଡାଉନର ପ୍ରଥମ ଦିନରେ ଅନେକ ପନିପରିବା ଦର ହଠାତ ବୃଦ୍ଧି ପାଇଥିବାରୁ ଏନେଇ ଖାଉଟିଙ୍କ ମଧ୍ୟରେ ଆଶା ଓ ଆଶଙ୍କା ଦେଖାଦେଇଛି ।