ବୌଦ୍ଧ: ଆଦିବାସୀ ଛାତ୍ରୀ ନିବାସରେ ସମାଜ ମଙ୍ଗଳ ଅଧିକାରୀ ହଠାତ୍ ପହଞ୍ଚି ତଦାରଖ କରୁଥିବା ସମୟରେ ଅଚାନକ ସେଠାରେ ପହଞ୍ଚିଥିଲେ ଜିଲ୍ଲାପାଳ । ସେଠାରେ ପହଞ୍ଚି ତଦାରଖ ପ୍ରକ୍ରିୟା ବୁଝିବା ସହ ଛାତ୍ରୀମାନଙ୍କୁ ଚାପମୁକ୍ତ ହୋଇ ପରୀକ୍ଷା ଦେବାକୁ ଜିଲ୍ଲାପାଳ ବୁଝାଇଥିଲେ । ଏ ଦୃଶ୍ୟ ହେଉଛି ବୌଦ୍ଧ ଜିଲ୍ଲାର କଣ୍ଟାମାଳ ବ୍ଲକ ଲୋଇସିଂ ବିଦ୍ୟାଳୟର ।
ଆଦିବାସୀ ଛାତ୍ରୀ ନିବାସକୁ ବୌଦ୍ଧ ଜିଲ୍ଲାପାଳଙ୍କ ଅଚାନକ ଗସ୍ତ
ସୂଚନା ଅନୁଯାୟୀ ସୋମବାର ଲୋଇସିଂ ଗ୍ରାମରେ ଥିବା ଶହେ ଶଯ୍ୟା ବିଶିଷ୍ଟ ଆଦିବାସୀ ଛାତ୍ରୀ ନିବାସ ପରିଦର୍ଶନ ପାଇଁ ଜିଲ୍ଲା ମଙ୍ଗଳ ଅଧିକାରୀ ହଠାତ ପହଞ୍ଚିଥିଲେ । ହଷ୍ଟେଲର ମ୍ୟାଟ୍ରନ ଓ ବିଦ୍ୟାଳୟ ଶିକ୍ଷକଙ୍କ ସହିତ ଅଧିକାରୀ ଛାତ୍ରୀ ନିବାସ ଭିତରେ ତଦାରଖ କରୁଥିବା ସମୟରେ ଅଚାନକ ପହଞ୍ଚିଥିଲେ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ।