ବୌଦ୍ଧ: ମହିଳାଙ୍କ ମୃତ୍ୟୁକୁ ମାସେ ହେବାକୁ ବସିଲାଣି। ହେଲେ ଏହି ମୃତ୍ୟୁକୁ ହତ୍ୟା ଅଭିଯୋଗ କରି ପରିବାର ପକ୍ଷରୁ ଥାନାରେ ଏତଲା ଦେଇଥିଲେ ମଧ୍ୟ ଏନେଇ ପୋଲିସ ତଦନ୍ତରେ କୌଣସି ସହଯୋଗ କରୁନାହିଁ । ଫଳରେ ଅଭିଯୁକ୍ତ ବର୍ତ୍ତମାନ ମଧ୍ୟ ଖୋଲାରେ ବୁଲୁଥିବା ଅଭିଯୋଗ କରି ନ୍ୟାୟ ପ୍ରଦାନ ପାଇଁ ଏସପିଙ୍କ ଦ୍ବାରସ୍ଥ ହୋଇଛନ୍ତି ମୃତକଙ୍କ ପରିବାର ।
ମହିଳାଙ୍କ ମୃତ୍ୟୁକୁ ମାସେ, ଥାନାରୁ ନ୍ୟାୟ ନ ମିଳିବାରୁ ଏସପିଙ୍କ ଦ୍ବାରସ୍ଥ ହେଲେ ପରିବାର
ତେବେ ବୌଦ୍ଧ ଜିଲ୍ଲାର ୬ଟି ଥାନା ଅଞ୍ଚଳରେ ଦିନକୁ ଦିନ ଆଇନ ଶୃଙ୍ଖଳା ପରିସ୍ଥିତି ବିଗିଡିବାରେ ଲାଗିଛି । ଚୋରି, ହତ୍ୟା, ଡକାୟତି, ଲୁଟ ଭଳି ଘଟଣା ପ୍ରାୟ ପ୍ରତ୍ୟେକ ଦିନ ଘଟି ଚାଲିଥିବା ବେଳେ ଅପରାଧୀକୁ ପୋଲିସ ଧରିବାରେ ବିଫଳ ହେଉଛି । ଫଳରେ ଦିନକୁ ଦିନ ଅପରାଧର ମାତ୍ରା ବୃଦ୍ଧି ପାଇବା ସହ ପୋଲିସ ପାଇଁ ମୁଣ୍ଡବ୍ୟଥାର କାରଣ ପାଲଟିଛି । ତେବେ ଏକ ମାମଲାରେ ଥାନାରୁ ନ୍ୟାୟ ନମିଳିବାରୁ ସମ୍ପୃକ୍ତ ପରିବାର ଏସପିଙ୍କ ଠାରେ ଗୁହାରି କରିବା ଘଟଣା ଏବେ ଚର୍ଚ୍ଚାର ବିଷୟ ହୋଇଛି ।