ବୌଦ୍ଧ:ଜିଲ୍ଲାର ବିଜେଡି ଗଡରେ ଫୁଟିଲା ପଦ୍ମ । ବିଜେଡିକୁ ମାତ ଦେଇ ସିଟ ହାତେଇଲା ବିଜେପି । ପଞ୍ଚାୟତ ନିର୍ବାଚନ ଦ୍ବିତୀୟ ପର୍ଯ୍ୟାୟର ଭୋଟ ଗଣନା ପରେ ଏହି ଫଳାଫଳ ପ୍ରକାଶ ପାଇଛି ।
Voting Counting: ବୌଦ୍ଧ ଜିଲ୍ଲାର ବିଜେଡି ଗଡରେ ଫୁଟିଲା ପଦ୍ମ
୯ ଗୋଟି ଜୋନକୁ ନେଇ ଗଠିତ ବୌଦ୍ଧ ଜିଲ୍ଲା ପରିଷଦ ଆସନ ମଧ୍ୟରୁ ୬ଟି ଜୋନର ଫଳାଫଳ ପ୍ରକାଶ ପାଇଛି । ତେବେ ଚଳିତ ଥର ବିଜେଡି ଗଡ ଭିତରେ ଧସେଇ ପଶିଛି ବିଜେପି । ଜିଲ୍ଲାର କଣ୍ଟାମାଳ ନିର୍ବାଚନ ମଣ୍ଡଳୀର ୪ନମ୍ବର ଜୋନ ଓ ୨ନମ୍ବର ଜୋନରେ ବିଜେପି ବାଜିମାତ କରିଛି ।
ସୂଚନାଅନୁଯାୟୀ, କଣ୍ଟାମାଳ ବ୍ଲକ ୨ନମ୍ବର ଜୋନରେ ବିଜେପି ଓ ବିଜେଡି ପ୍ରାର୍ଥୀ ହୋଇଥିବା ବେଳେ ବିଜେପିର ପଦ୍ମାଳୟା ପ୍ରଧାନ ମାତ୍ର ୧୩୩ ଖଣ୍ଡ ଭୋଟ ବ୍ୟବଧାନରେ ବିଜୟୀ ହୋଇଥିଲେ । ତେବେ ବୌଦ୍ଧ ବ୍ଲକର ୫ନମ୍ବର ଜୋନ ଓ ହରଭଙ୍ଗା ବ୍ଲକର ୮ନମ୍ବର ଜୋନରେ ପୂର୍ବ ଭଳି ବିଜେଡି ବାଜିମାତ କରିଛି ।