ଅନୁସୂଚିତ ଜାତି ମୋର୍ଚ୍ଚାର କର୍ମକର୍ତ୍ତାଙ୍କୁ ଶାସକ ଦଳର ଆକ୍ରମଣ ଘଟଣା BJPର ବିକ୍ଷୋଭ

କେନ୍ଦ୍ରାପଡାରେ BJPର ଅନୁସୂଚିତ ମୋର୍ଚ୍ଚାର କର୍ମକର୍ତ୍ତାଙ୍କ ଉପରେ ଶାସକ ଦଳର ଆକ୍ରମଣ ପ୍ରତିବାଦରେ ବୌଦ୍ଧ ଜିଲ୍ଲା BJPର ବିକ୍ଷୋଭ ପ୍ରଦର୍ଶନ । ଜିଲ୍ଲାପାଳଙ୍କୁ ଦାବିପତ୍ର ଦେବାବେଳେ ଜିଲ୍ଲା ମୁଖ୍ୟାଳୟରେ ଉତ୍ତେଜନା । ଅଧିକ ପଢନ୍ତୁ...

ବୌଦ୍ଧ: କେନ୍ଦ୍ରାପଡାରେ ବିଜେପିର ଅନୁସୂଚିତ ଜାତି ମୋର୍ଚ୍ଚାର କର୍ମକର୍ତ୍ତାଙ୍କ ଉପରେ ଶାସକ ଦଳର ଆକ୍ରମଣ ପ୍ରତିବାଦରେ ବୌଦ୍ଧ BJPର ହାଏଭୋଲଟେଜ ଡ୍ରାମା ଦେଖିବାକୁ ମିଳିଛି । ଆଜି ଜିଲ୍ଲା ବିଜେପି ସଭାପତିଙ୍କ ନେତୃତ୍ବରେ BJP ଅନୁସୂଚିତ ମୋର୍ଚ୍ଚାର କର୍ମକର୍ତ୍ତା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ କେନ୍ଦ୍ରାପଡା ପ୍ରସଙ୍ଗକୁ ନେଇ ବିକ୍ଷୋଭ ପ୍ରଦର୍ଶନ କରିଥିବା ଦେଖିବାକୁ ମିଳିଛି । ତେବେ ବିକ୍ଷୋଭ ପ୍ରଦର୍ଶନର ଦୀର୍ଘ ସମୟ ପରେ ମଧ୍ୟ ଦାବିପତ୍ର ଗ୍ରହଣ ପାଇଁ ଜିଲ୍ଲାପାଳ ନ ଆସିବାରୁ ସେଠାରେ ଏକ ପ୍ରକାର ଅପ୍ରୀତିକର ପରିସ୍ଥିତି ସୃଷ୍ଟି ହେବା ସହ ଚାପା ଉତ୍ତେଜନା ପ୍ରକାଶ ପାଇଥିଲା ।

ପରିସ୍ଥିତି ଏପରି ହେଲା ଯେ ଆନ୍ଦୋଳନକାରୀମାନେ କଲେକ୍ଟରିଏଟର ମୁଖ୍ୟ ଫାଟକ ବନ୍ଦ କରି ଦୀର୍ଘ ସମୟ ଧରି ନାରାବାଜି କରିଥିଲେ । ଶେଷରେ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ବିକ୍ଷୋଭସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା କରି ଦାବିପତ୍ର ଗ୍ରହଣ କରିବା ପରେ ଅବସ୍ଥାରେ ସାମାନ୍ୟ ସୁଧାର ଆସିଥିଲା । ଅନୁସୂଚିତ ମୋର୍ଚ୍ଚାର କର୍ମକର୍ତ୍ତାଙ୍କୁ ମାଡ ଘଟଣାରେ BJP ପକ୍ଷରୁ ତୀବ୍ର ଅସନ୍ତୋଷ ପ୍ରକାଶ ପାଇଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ