ବୀରନରସିଂହପୁରରେ ବିଦେଶୀ ମଦ ଦୋକାନକୁ ବିଜେପିର ବିରୋଧ

ବୌଦ୍ଧରେ ସ୍କୁଲ ତଥା ଜାତୀୟ ରାଜପଥ ନିକଟରେ ମଦ ଦୋକାନ ଖୋଲିବା ନିଷ୍ପତିକୁ ବିଜେପିର ବିରୋଧ । ଅଧିକ ପଢନ୍ତୁ....

ବୌଦ୍ଧ: ବିଦେଶୀ ମଦ ଦୋକାନକୁ ଜିଲ୍ଲା ବିଜେପିର ବିରୋଧ । ଜାତୀୟ ରାଜପଥ କଡରେ ତଥା ବିଦ୍ୟାଳୟ ନିକଟରେ ମଦ ଦୋକାନ ଖୋଲା ଯାଉଥିବାରୁ ଏହାକୁ ତୀବ୍ର ବିରୋଧ କରିଛି ବିଜେପି ।

ସୂଚନା ଅନୁଯାୟୀ ବୌଦ୍ଧ ଜିଲ୍ଲା ବୀରନରସିଂହପୁର ଠାରେ ବିଦେଶୀ ମଦ ଦୋକାନ ଖୋଲାଯିବାକୁ ନିଷ୍ପତ୍ତି ନିଆଯାଇଛି । ଗତ ମାସରେ ଜିଲ୍ଲାର ତିନୋଟି ବ୍ଲକର ବିଭିନ୍ନ ବିଦେଶୀ ମଦ ଦୋକାନ ପାଇଁ ନୂତନ ଲିଜଧାରୀଙ୍କୁ ଲଟେରୀ ମାଧ୍ୟମରେ ଚୟନ କରାଯାଇଥିଲା । ତେବେ ପୂର୍ବରୁ ବାଉଁଶୁଣୀ ଠାରେ ବିଦେଶୀ ମଦ ଦୋକାନ ଖୋଲାଯିବାକୁ ନେଇ ସ୍ଥାନୀୟ ସ୍ବୟଂ ସହାୟକ ଗୋଷ୍ଠୀର ସଦସ୍ୟମାନେ ଏହାକୁ ବିରୋଧ କରି ଥିବାବେଳେ ବର୍ତ୍ତମାନ ପୁଣି ବୀରନରସିଂହପୁର ମଦ ଦୋକାନକୁ ଜିଲ୍ଲା ବିଜେପି ପକ୍ଷରୁ ବିରୋଧ କରାଯାଇଛି ।

ଜାତୀୟ ରାଜପଥ କଡରେ ତଥା ବିଦ୍ୟାଳୟ ନିକଟରେ ବିଦେଶୀ ମଦ ଦୋକାନ ଖୋଲାଯିବାକୁ ନେଇ ବିଜେପି ତୀବ୍ର ସମାଲୋଚନା କରିଛି । ଏନେଇ ପ୍ରଶାସନ କୌଣସି ପଦକ୍ଷେପ ଗ୍ରହଣ ନକଲେ ଆଗାମୀ ଦିନରେ ଜିଲ୍ଲା ବିଜେପି ଆନ୍ଦୋଳନକୁ ଅଧିକ ତୀବ୍ରତର କରିବ ବୋଲି ବିଜେପି ଜିଲ୍ଲା ସଭାପତି ସୂଚନା ଦେଇଛନ୍ତି ।



ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ