ଧାନମଣ୍ଡି ସମସ୍ୟାକୁ ନେଇ ବିଜେପି କୃଷକ ମୋର୍ଚ୍ଚାର ଗଣଧାରଣା

ସାରା ରାଜ୍ୟରେ ବିଜେପି କୃଷକ ମୋର୍ଚ୍ଚା ପକ୍ଷରୁ ଧାନମଣ୍ଡି ସମସ୍ୟା ଓ ଚାଷୀଙ୍କ ବହୁବିଧ ସମସ୍ୟାକୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା । ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିବା ପରେ ତାଙ୍କ ଗାଡି ଆଗରେ ଆନ୍ଦୋଳନକାରୀମାନେ ଶୋଇବା ସହ ବିକ୍ଷୋଭ ପ୍ରଦର୍ଶନ କରିଥିଲେ । ଅଧିକ ପଢନ୍ତୁ...

ବୌଦ୍ଧ: ସାରା ରାଜ୍ୟରେ ବିଜେପି କୃଷକ ମୋର୍ଚ୍ଚା ପକ୍ଷରୁ ଧାନମଣ୍ଡି ସମସ୍ୟା ଓ ଚାଷୀଙ୍କ ବହୁବିଧ ସମସ୍ୟାକୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା । ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିବା ପରେ ତାଙ୍କ ଗାଡି ଆଗରେ ଆନ୍ଦୋଳନକାରୀମାନେ ଶୋଇବା ସହ ବିକ୍ଷୋଭ ପ୍ରଦର୍ଶନ କରିଥିଲେ । ଜିଲ୍ଲାର ପ୍ରାୟ ଷାଠିଏ ଧାନକ୍ରୟ କେନ୍ଦ୍ର ମଧ୍ୟରୁ ଅନେକ ଧାନମଣ୍ଡିରେ ବେପାରୀ ଓ ଦଲାଲଙ୍କ କବ୍ଜାରେ ରହୁଥିବା ବାରମ୍ବାର ଅଭିଯୋଗ ହୋଇଆସୁଛି । ହେଲେ ଏପର୍ଯ୍ୟନ୍ତ ତା’ର କୌଣସି ସମାଧାନ ହୋଇପାରୁନି ।

ପ୍ରାୟ ସମସ୍ତ ଜିଲ୍ଲାରେ ଗଣଧାରଣା ଅପରାହ୍ନ ପରେ ପରେ ପ୍ରତ୍ୟାହାର କରାଯାଇଥିବାବେଳେ ବୌଦ୍ଧ ଜିଲ୍ଲାରେ କିନ୍ତୁ ଏହି ଧାରଣା ସନ୍ଧ୍ୟା ସାତଟା ପର୍ଯ୍ୟନ୍ତ ଚାଲିଥିଲା । ଚାଷୀ ନେତା ଓ କର୍ମୀ କୌଣସି ଅଘଟଣ ଘଟାଇବା ପୂର୍ବରୁ ଶେଷରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ହସ୍ତକ୍ଷେପ କରି ଧାନକ୍ରୟ କମିଟିର ଉପସ୍ଥିତିରେ ସମସ୍ତ ନେତା ଓ ଚାଷୀକର୍ମୀଙ୍କ ସହ ଆଲୋଚନା କରିଥିଲେ । ତେବେ ସମସ୍ତ ଦାବି ପୂରଣ ପାଇଁ ପ୍ରତିଶ୍ରୁତି ଦେବାପରେ ସମସ୍ତେ ଧାରଣାରୁ ହଟିଥିଲେ ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ