ବୌଦ୍ଧ: ଗାଁ ନିକଟବର୍ତ୍ତୀ ଅଞ୍ଚଳରେ ବୁଲୁଛି ଆରବିଟି ବା ରୟାଲ ବେଙ୍ଗଲ ଟାଇଗର । ମହାବଳ ବାଘର ଗର୍ଜନରେ କମ୍ପୁଛି ଅଞ୍ଚଳ। ଫଳରେ ସ୍ଥାନୀୟ ଲୋକେ ଆତଙ୍କିତ। ଏଭଳି ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲା ତଳଗାଁ ପଞ୍ଚାୟତ ଗଣ୍ଡାପାଜୁ ଗ୍ରାମ ନିକଟସ୍ଥ ଜଙ୍ଗଲରେ ।
ଗାଁ ମୁହାଁ ମହାବଳ, ଲୋକେ ଆତଙ୍କିତ
ବର୍ତ୍ତମାନ ସପ୍ତାହେ ହେଲା ସାତକୋଶିଆ ବନ୍ୟପ୍ରାଣୀ ଅଭୟାରଣ୍ୟର ଏକ ମହାବଳ ବାଘ ତଳଗାଁ ପଞ୍ଚାୟତ ଗଣ୍ଡାପାଜୁ ଗ୍ରାମ ନିକଟସ୍ଥ ଜଙ୍ଗଲରେ ବୁଲୁଥିବାରୁ ଅଞ୍ଚଳବାସୀ ଆତଙ୍କିତ ହୋଇପଡିଛନ୍ତି । ଗାଁର କିଛି ଗୋପାଳକ ଜଙ୍ଗଲରେ ମହାବଳ ବାଘ ସମ୍ବର, ବାରହା ମାରି ଖାଉଥିବା ଦେଖିବା ପରେ ଆଉ ଗାଇ ଚରାଇବାକୁ ଜଙ୍ଗଲ ନିକଟବର୍ତ୍ତୀ ଅଞ୍ଚଳକୁ ଯାଉନାହାନ୍ତି । ତେବେ ବନ୍ୟପ୍ରାଣୀ ବିଭାଗ ପକ୍ଷରୁ ମହାବଳ ବାଘକୁ ଜଙ୍ଗଲର କୋର ଏରିଆକୁ ପଠାଇବା ପାଇଁ ବ୍ୟବସ୍ଥା କରାଯାଉଥିବା ସୂଚନା ମିଳିଛି ।