ବୌଦ୍ଧ: କୋରୋନା ଭୂତାଣୁ ସଂକ୍ରମଣ ଭୟରେ ସାମାଜିକ ସୁରକ୍ଷା ହିତାଧିକାରୀଙ୍କୁ ଆଗୁଆ ଚାରିମାସର ଭତ୍ତା ସହିତ ଅନ୍ୟ ସାମଗ୍ରୀ ପ୍ରଦାନ କରିଛି ଜିଲ୍ଲା ପ୍ରଶାସନ । ସୋମବାର ବୌଦ୍ଧ ପୌରପରିଷଦର ହିତାଧିକାରୀଙ୍କୁ ଏନେଇ ସମସ୍ତ ସରକାରୀ ସହାୟତା ଯୋଗାଇ ଦିଆଯାଇଛି ।
ହିତାଧିକାରୀଙ୍କୁ ଅଗ୍ରୀମ ଚାରିମାସର ଭତ୍ତା ପ୍ରଦାନ
ଦିନକୁ ଦିନ କୋରୋନା ଆତଙ୍କ ସାରା ବିଶ୍ବରେ ବୃଦ୍ଧି ପାଇବାରେ ଲାଗିଛି । ଏହି ଧାରାରେ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଜିଲ୍ଲା ପ୍ରଶାସନ କଡା ନଜର ରଖିଛି । ବିଶେଷ ଭାବରେ ରାଜ୍ୟ ତଥା ଦେଶ ବାହାରୁ ଆସୁଥିବା ଲୋକଙ୍କ ଉପରେ ସତର୍କ ଦୃଷ୍ଟି ରଖିଛି । ତେବେ ଆତଙ୍କିତ ନହୋଇ ସଚେତନ ରହିବାକୁ ଜିଲ୍ଲାପାଳ ବାରମ୍ବାର ଅପିଲ କରିଛନ୍ତି ।