ବୌଦ୍ଧ:ବାଲ୍ୟବିବାହ ଏକ ଆଇନଗତ ଅପରାଧ । ହେଲେ ମାନବସମାଜ ଏ ଦିଗରେ ସଚେତନ ନୁହନ୍ତି । ଏବେ ବି ଅନେକ ସ୍ଥାନରେ ଲୁଚାଛପାରେ ଚାଲିଛି ବାଲ୍ୟବିବାହ । ବାଲ୍ୟ ବିବାହକୁ ନେଇ ଲୋକଙ୍କୁ ସଚେତନ କରିବା ଦିଗରରେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକରେ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଛି ।
ବାଲ୍ୟବିବାହ ରୋକିବାକୁ ସେଚତନତା କାର୍ଯ୍ୟକ୍ରମ
ସୂଚନାଅନୁସାରେ, ଜିଲ୍ଲାର ପ୍ରାୟ 10ଟି ଗାଁକୁ ଜିଲ୍ଲା ପ୍ରଶାସନ ବାଲ୍ୟ ବିବାହ ମୁକ୍ତ ଘୋଷଣା କରିଛି । ଏ ଦିଗରେ ତଦାରଖ କରିବାକୁ ପ୍ରତି ଗାଁର ଅଙ୍ଗନବାଡି କର୍ମୀଙ୍କୁ ଦାୟିତ୍ବ ଦିଆଯାଇଛି । ହେଲେ ଜିଲ୍ଲାର କେତେକ ଉପାନ୍ତ ଅଞ୍ଚଳରେ ଲୁଚାଛପା କରି ନାବାଳିକାଙ୍କ ବିବାହ ଜିଲ୍ଲା ପ୍ରଶାସନର ଚିନ୍ତା ବଢାଇଛି । କେତେକ ସ୍ଥାନରେ ଅନ୍ୟ ଗ୍ରାମ କିମ୍ବା ପଡୋଶୀ ଜିଲ୍ଲାରେ ନିଜ ସମ୍ପର୍କୀୟଙ୍କ ଘରେ ନେଇ ନାବାଳିକାଙ୍କୁ ବିବାହ କରାଯାଉଛି । ଫଳରେ ସୂଚନା ମିଳିଲେ ମଧ୍ୟ ଉପଯୁକ୍ତ ସମୟରେ ପଦକ୍ଷେପ ଗ୍ରହଣ ସମ୍ଭବ ହୋଇପାରୁ ନାହିଁ ।