ବୌଦ୍ଧ: ଅପରାଧିଙ୍କ ଟାର୍ଗେଟରେ କଣ୍ଟାମାଳ ଓ ମନମୁଣ୍ଡା ଥାନା ଅଞ୍ଚଳ । ଗତକିଛି ଦିନ ହେବ ପୋଲିସ ଆକ୍ସନ ମୁଡକୁ ଆସିବା ପରେ ଅପରାଧିକ ମାମଲା ହ୍ରାସ ପାଇଥିବା ବେଳେ ବର୍ତ୍ତମାନ ପୁଣି ଏକ ଦମ୍ପତିଙ୍କଠାରୁ ଦୁର୍ବୃତ୍ତ ଲୁଟ ସହିତ ଆକ୍ରମଣ କରିଥିବା 2ଟି ଥାନାରେ ଅଭିଯୋଗ ହୋଇଛି ।
ଟଙ୍କା ଲୁଟିଲେ ଦୁର୍ବୃତ୍ତ, ଅଭିଯୋଗ କରିବାରୁ କଲେ ମରଣାନ୍ତକ ଆକ୍ରମଣ
ଅଭିଯୋଗ ପରେ ପୁଣିଥରେ ଦମ୍ପତିଙ୍କ ଉପରେ ମରଣାନ୍ତକ ଆକ୍ରମଣ ହୋଇଛି । ଏଭଳି ଅଭାବନୀୟ କାଣ୍ଡ ଘଟିଛି ବୌଦ୍ଧ ଜିଲ୍ଲାର କଣ୍ଟାମାଳ ଓ ମନମୁଣ୍ଡା ଥାନା ଅଞ୍ଚଳରେ । ଗତ ଦୁଇ ମାସ ଧରି ଏହି ଦୁଇ ଥାନା ଅଞ୍ଚଳରେ ଚୋରି, ଡକାୟତି, ଲୁଣ୍ଠନ ଭଳି ଅପରାଧିକ ମାମଲା ପରେ ଜିଲ୍ଲା ପୋଲିସ ତତ୍ପରତା ପ୍ରକାଶ କରିବାରୁ ଏହି ଅପରାଧିକ ମାମଲା ହ୍ରାସ ପାଇଥିଲା । ଏବେ ପୁଣିଥରେ ସକ୍ରିୟ ହୋଇଛନ୍ତି ଦୁର୍ବୃତ୍ତ । ଗୁରୁବାର କମଘାଟର ଏକ ଦମ୍ପତିଙ୍କ ଉପରେ ଆକ୍ରମଣ କରାଯାଇ 51 ହଜାର ଟଙ୍କା ଲୁଟି ନେଇଛନ୍ତି । ଏହି ଲୁଟରେ ପ୍ରାୟ 5 ଜଣ ଦୁର୍ବୃତ୍ତ ସାମିଲ ଥିବା କଣ୍ଟାମାଳ ଥାନାରେ ଅଭିଯୋଗ ହୋଇଥିଲା ।