ଗଛତଳେ ଚାଲିଛି ଶିଶୁଙ୍କ ଭବିଷ୍ୟତ ଗଢା

ସମନ୍ବିତ ଶିଶୁ ବିକାଶ କାର୍ଯ୍ୟାଳୟ ଠାରୁ ମାତ୍ର ଏକ କିଲୋମିଟର ଦୂରରେ ଗଛତଳେ ଚାଲିଛି ଶିଶୁଙ୍କ ଭବିଷ୍ୟତ ଗଢା । ଦୃଶ୍ୟ ହେଉଛି ବୌଦ୍ଧ ଜିଲ୍ଲା ମୁଷୁଣ୍ଢି ପଞ୍ଚାୟତ ଅନ୍ତର୍ଗତ ଡାଙ୍ଗପଡା ଗ୍ରାମ ଅଙ୍ଗନବାଡି କେନ୍ଦ୍ରର ।

ବୌଦ୍ଧ: ଗଛତଳେ ଚାଲିଛି ଶିଶୁଙ୍କ ଭବିଷ୍ୟତ ଗଢା । ସମନ୍ବିତ ଶିଶୁ ବିକାଶ କାର୍ଯ୍ୟାଳୟ ଠାରୁ ମାତ୍ର ଏକ କିଲୋମିଟର ଦୂରରେ ଗଛତଳେ ଚାଲିଛି ଶିଶୁଙ୍କ ଭବିଷ୍ୟତ ଗଢା । ଦୃଶ୍ୟ ହେଉଛି ବୌଦ୍ଧ ଜିଲ୍ଲା ମୁଷୁଣ୍ଢି ପଞ୍ଚାୟତ ଅନ୍ତର୍ଗତ ଡାଙ୍ଗପଡା ଗ୍ରାମ ଅଙ୍ଗନବାଡି କେନ୍ଦ୍ରର ।

ଏଠାରେ ଦୀର୍ଘ ଛବିଶ ବର୍ଷ ହେଲା ଶିଶୁଙ୍କ ନିମନ୍ତେ ହୋଇଥିବା ଅଙ୍ଗନୱାଡି କେନ୍ଦ୍ରଟି କେତେବେଳେ ଗ୍ରାମର ଜଣେ ବୃଦ୍ଧାଙ୍କ ଘରେ ତ କେତେବେଳେ କୌଣସି ସ୍କୁଲ ବାରଣ୍ଡାର ଦୟାରେ ଚାଲୁଛି । କୋମଳମତି ଏହି ଶିଶୁଙ୍କ ମୁଣ୍ଡ ଉପରେ ଆଜିଯାଏଁ ଜରିପାଲ ଖଣ୍ଡେ ନଥିବାରୁ ବର୍ଷ ତମାମ ଗଛ ତଳେ ପାଲ ପକାଇ ପାଠପଢା ପଢିବାକୁ ବାଧ୍ୟ ହେଉଛନ୍ତି ଏମାନେ ।

ତେବେ ଅତି ଆବଶ୍ୟକ ପଡିଲେ ନିକଟସ୍ଥ ବିଦ୍ୟାଳୟ ବାରଣ୍ଡା ହିଁ ଏମାନଙ୍କ ସାହା ଭରସା । ଏପଟେ ଛୋଟ ଛୁଆଙ୍କ ଖାଦ୍ୟରୁ କାଉ, କୁକୁର ମଧ୍ୟ ଭାଗ ନେଇଯିବା କିଛି ବିଚିତ୍ର ନୁହେଁ । ଏଭଳି ଏକ ଅଭାବନୀୟ ପରିସ୍ଥିତିରେ ଦୀର୍ଘବର୍ଷ ହେଲା ଏହି କେନ୍ଦ୍ରଟି ଚାଲିଥିଲେ ମଧ୍ୟ କିଭଳି ବିଭାଗୀୟ ଅଧିକାରୀ କୌଣସି ପଦକ୍ଷେପ ଗ୍ରହଣ କରିନାହାଁନ୍ତି ସେନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି । ତେବେ ଗ୍ରାମରେ ଏକ ସ୍ବତନ୍ତ୍ର ଅଙ୍ଗନୱାଡି କେନ୍ଦ୍ରଟିଏ ନିର୍ମାଣ ପାଇଁ ଦାବି ହୋଇଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ