ବୌଦ୍ଧ: ରାସ୍ତାରେ ବାଇକ ପିଟି ଚାଳକ ଫେରାର । ଏପଟେ ରକ୍ତରେ ଜୁଡୁବୁଡୁ ବାପାକୁ ବଞ୍ଚାଇବାକୁ ବାରମ୍ବାର ଫୋନ ପରେ ବି ଆସିଲାନି ଆମ୍ବୁଲାନ୍ସ । ଚିକିତ୍ସାରେ ବିଳମ୍ବ ଯୋଗୁଁ ଶେଷରେ ଆଖିବୁଜିଲେ ଦିନ ମଜୁରିଆ । ଅବ୍ୟବସ୍ଥାର ଏଭଳି ନଗ୍ନଚିତ୍ର ବୌଦ୍ଧ ହରଭଙ୍ଗା ବ୍ଲକର ରାମ୍ଭିକଟା ଗାଁରେ ଦେଖିବାକୁ ମିଳିଛି ।
ଭିଡିଓ ସୌଜନ୍ୟ-ପ୍ରତିନିଧି, ବୌଦ୍ଧ
ଏହି ଗାଁର ଦିନ ମଜୁରିଆ ଶର୍ମା ପାତ୍ର । ପ୍ରତ୍ୟେକଦିନ ଭଳି ସନ୍ଧ୍ୟାରେ କାମସାରି ଅନ୍ୟ ଦୁଇ ମଜୁରିଆଙ୍କ ସହ ଘରକୁ ଫେରୁଥିବା ବେଳେ ରାମ୍ଭିକଟା ଛକ ନିକଟରେ ପଛରୁ ଏକ ଅଜଣା ବାଇକ ଧକ୍କା ଦେଇ ଫେରାର ହୋଇଯାଇଥିଲା । ଗୁରୁତର ଶର୍ମାଙ୍କୁ ଚିକିତ୍ସା ପାଇଁ ତାଙ୍କ ପୁଅ ଆମ୍ବୁଲାନ୍ସକୁ ବାରମ୍ବାର ଫୋନ କରିଥିଲେ । ହେଲେ ଆମ୍ବୁଲାନ୍ସ ନଆସିବାରୁ ସେ ବାଧ୍ୟ ହୋଇ ଏକ ଅଟୋରେ ପୁରୁଣା କଟକ ଡାକ୍ତରଖାନାକୁ ନେଇଥିଲେ ।