ବୌଦ୍ଧ: ସରକାରୀ କୋଠା ନିର୍ମାଣ କାର୍ଯ୍ୟରେ ନିୟୋଜିତ ନାବାଳିକା । ଆଉ ଆଶ୍ଚର୍ଯ୍ୟର ବିଷୟ ଯେ, ଆହତ ହେବା ପରେ ଚିକିତ୍ସା ପାଇଁ ବିଭାଗୀୟ ସଂସ୍ଥା ଓ ସରକାରଙ୍କ ପକ୍ଷରୁ କୌଣସି ସହାୟତା ମିଳିନାହିଁ । ଯାହା ଆମ ବ୍ୟବସ୍ଥା ଉପରେ ଏକ ପ୍ରଶ୍ନବାଚୀ ସୃଷ୍ଟି କରିଛି । ବୌଦ୍ଧ ଜିଲ୍ଲା ବଘିଆପଡାର ଏରଡା ଗାଁର 16 ବର୍ଷ ଦଶମତୀ ଏବେ ଯନ୍ତ୍ରଣାରେ ଛଟପଟ ହେଉଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଦିନ ମଜୁରିଆ କେଶବ ସାହୁ ଓ ପତ୍ନୀ କୌଶଲ୍ୟାଙ୍କ ଝିଅ ଦଶମତୀ । ଘରର ଆର୍ଥିକ ଅବସ୍ଥା ଭଲ ନଥିବାରୁ ବାପା ମାଆଙ୍କ ସହ ସରକାରୀ କୋଠା ନିର୍ମାଣ କାର୍ଯ୍ୟରେ ନିୟୋଜିତ ହୋଇଥିଲେ । ଉକ୍ତ କୋଠାରେ କାମ କରିବା ସମୟରେ ଦଶମତୀ 2 ମହଲା କୋଠାରୁ ତଳକୁ ଖସି ପଡିବା ଦ୍ବାରା ଅଣ୍ଟାରେ ଗଭୀର କ୍ଷତ ପାଇଥିଲେ । ତେବେ ଇତି ମଧ୍ୟରେ ଘଟଣାକୁ ମାସେ ପୁରି ଯାଇଥିବା ବେଳେ ବିଭାଗୀୟ ସଂସ୍ଥାଙ୍କ ଉଦାସିନତା ଦେଖିବାକୁ ମିଳିଛି ।