ବୌଦ୍ଧ : ଗୋଟିଏ ପରେ ଗୋଟିଏ ଅପରାଧିକ ମାମଲା ସାଧାରଣ ନାଗରିକଙ୍କୁ ଚିନ୍ତିତ କରିଛି । ବୌଦ୍ଧ ଜିଲ୍ଲାର 6ଟି ଥାନା ଅଞ୍ଚଳରେ ଅଧିକାଂଶ ସମୟରେ ଚୋରୀ, ଡକାୟତି, ହତ୍ୟା, ଲୁଣ୍ଠନ ଭଳି ଘଟଣା ସାମାନ୍ୟ ଭଳି ମନେହେଉଛି । ଏନେଇ ପୋଲିସକୁ ଅନେକ ସ୍ଥାନରେ ସଫଳତା ମିଳୁଥିଲେ ମଧ୍ୟ ବଢୁଥିବା ଅପରାଧକୁ ନେଇ ଗଭୀର ଉଦବେଗ ପ୍ରକାଶ କରିଛନ୍ତି ବୁଦ୍ଧିଜିବୀ ।
ଗତ କିଛି ମାସ ତଳେ ବୌଦ୍ଧ ସହର ପୋଡାପୋଡାରେ ବ୍ୟବସାୟୀ ରାଜାଙ୍କ ହତ୍ୟାକାଣ୍ଡ ଘଟଣା ସମଗ୍ର ଜିଲ୍ଲାରେ ଚାଞ୍ଚଲ୍ୟ ଖେଳାଇ ଦେଇଥିବା ବେଳେ, ଏବେ ପୁଣି ସମାନ ଢଙ୍ଗରେ ପ୍ରଥମେ ନିଖୋଜ ତାପରେ ଶବ ଉଦ୍ଧାର କରାଯାିଛି । ପ୍ରାଥମିକ ତଦନ୍ତରୁ ଏହା ଏକ ହତ୍ୟାକାଣ୍ଡ ବୋଲି ସୂଚନା ମିଳିଛି ।
ବୌଦ୍ଧ ଜିଲ୍ଲାରେ ପୁଣି ଏକ ହତ୍ୟା, ପୋଲିସର ତଦନ୍ତ ଆରମ୍ଭ
ରାଜନପାଲିର ଅଗସ୍ତି ମହାକୁଳ ଗତ ପାଞ୍ଚ ଦିନ ହେଲା ନିଖୋଜ ଥିଲେ । ଆଜି(ରବିବାର) ତାଙ୍କ ମୃତ ଦେହକୁ ବୌଦ୍ଧ ସହରର କଚେରୀ ଛକ ନିକଟସ୍ଥ ଏକ ସ୍ଥାନରୁ ବାଲିରେ ପୋତି ହୋଇଥିବା ଅବସ୍ଥାରେ ପୋଲିସ ଉଦ୍ଧାର କରିଛି ।