ବୌଦ୍ଧ: ଆଜି ବିଶ୍ବ ଫଟୋଗ୍ରାଫି ଦିବସ । ଆଜିର ଏହି ଦିନରେ ନିଜର ଫଟୋଗ୍ରାଫି କ୍ୟାରିୟରର ସ୍ମରଣୀୟ ମୂହୁର୍ତ୍ତକୁ ବଖାଣିଲେ ବରିଷ୍ଠ ଫଟୋଗ୍ରାଫର । ବୌଦ୍ଧର ଜିଲ୍ଲାର ପ୍ରସିଦ୍ଧ ଫଟୋଗ୍ରାଫର ସମୀର ସାହୁ ଇଟିଭି ଭାରତ ସହ ପୁରୁଣା ଦିନର ସ୍ମରଣୀୟ ଫଟୋଚିତ୍ର ସମ୍ପର୍କରେ ଆଲୋଚନା କରିଛନ୍ତି ।
ବୌଦ୍ଧ ଜିଲ୍ଲା ସଦର ମହକୁମାର ସମୀର କୁମାର ସାହୁ । ୭୦ ଦଶକରେ ବଲାଙ୍ଗୀରରେ କଲେଜ ଅଧ୍ୟୟନ ସମୟରେ ସେ ଫଟୋଗ୍ରାଫି ପ୍ରତି ଆକର୍ଷିତ ହୋଇଥିଲେ । ସମୀର ଜଣେ ମଞ୍ଚ ଅଭିନେତା ଓ କଣ୍ଠଶିଳ୍ପୀ ସଙ୍ଗେ ସଙ୍ଗେ ଦୀର୍ଘ ବର୍ଷ ହେଲା ଫଟୋଗ୍ରାଫି ପେଶା ସହ ମଧ୍ୟ ଜଡିତ । ଆଜିର ଫଟୋଗ୍ରାଫି ଦିବସରେ ନିଜ କ୍ୟାରିଅର ତଥା ଫଟୋଗ୍ରାଫି ସମୟର ଅଭୁଲା ମୂହୁର୍ତ୍ତ ସମ୍ପର୍କରେ ସେ ବିସ୍ତୃତ ରୂପେ ବଖାଣିଛନ୍ତି । ବିଶେଷଭାବେ 1982 ମସିହା ମହାନଦୀରେ ପ୍ରଳୟଙ୍କରୀ ବନ୍ୟା ସମୟରେ ବୌଦ୍ଧର ବିଭିନ୍ନ ବନ୍ୟା ବିତ୍ପାତ ଅଞ୍ଚଳର ଫଟୋଚିତ୍ର ସେ ନିଜ କ୍ୟାମେରାରେ କଏଦ କରିଥିଲେ । ଏଥିସହ 1994 ମସିହାରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ବୌଦ୍ଧ ଜିଲ୍ଲା ଉଦଘାଟନ ସମୟର ଫଟୋ ମଧ୍ୟ ଉଠାଇଥିଲେ ସେ । ଯାହା ତାଙ୍କ ଅଭୁଲା ସ୍ମୃତି ହୋଇରହିଛି ବୋଲି ସମୀର ପ୍ରକାଶ କରିଛନ୍ତି ।