ବୌଦ୍ଧ: ମଦମୁକ୍ତି ଆନ୍ଦୋଳନର ଅନ୍ୟତମ କର୍ଣ୍ଣଧାର ଥିଲେ ସମାଜସେବୀ 'ମାନବପ୍ରେମୀ' ଆଦିତ୍ୟ ଦାସ । ଦିନକୁ ଦିନ ତାଙ୍କ ମୃତ୍ୟୁକୁ ନେଇ ସସପେନ୍ସ ବଢୁଥିବା ବେଳେ ଆଜି ତାଙ୍କ ଜନ୍ମମାଟିରୁ ବିରୋଧ ଉଠିବା ସହ ଘଟଣାରେ ସିବିଆଇ ତଦନ୍ତ ଦାବି ହୋଇଛି ।
ଜନ୍ମମାଟିରୁ ଉଠିଲା ଆଦିତ୍ୟଙ୍କ ମୃତ୍ୟୁର ସିବିଆଇ ତଦନ୍ତ ଦାବି
ମାନବପ୍ରେମୀ ଆଦିତ୍ୟ ଦାସ ବୌଦ୍ଧ ଜିଲ୍ଲାର ଜଣେ ସୁଯୋଗ୍ୟ ସନ୍ତାନ ଥିଲେ । ତାଙ୍କ ମୃତ୍ୟୁକୁ ନେଇ ଜନ୍ମମାଟି ମଧ୍ୟ ତାଙ୍କୁ ଝୁରୁଛି । ମଦମୁକ୍ତି ଆନ୍ଦୋଳନର ଅନ୍ୟତମ ପୁରୋଧା ଆଦିତ୍ୟଙ୍କ ମୃତ୍ୟୁ ଆତ୍ମହତ୍ୟା ନୁହେଁ, ବରଂ ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ଅଭିଯୋଗ ହୋଇଛି । ଏହି କ୍ରମରେ ସୋମବାର ଆଦିତ୍ୟଙ୍କ ଜନ୍ମମାଟି ବୌଦ୍ଧ ଜିଲ୍ଲାର ତାଳସରଡା ଗ୍ରାମରୁ ତାଙ୍କ ସମ୍ପର୍କୀୟ ଓ ଗ୍ରାମବାସୀ ମିଳିତ ହୋଇ ବୌଦ୍ଧ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ଏଥିସହ ତାଙ୍କ ମୃତ୍ୟୁର ସିବିଆଇ ତଦନ୍ତ ଦାବି କରିଛନ୍ତି ।