ମୁମ୍ବାଇ: ମହାରାଷ୍ଟ୍ରରେ ଦିନକୁ ଦିନ କୋରୋନା ସଂକ୍ରମଣ ମାମଲା ବୃଦ୍ଧି ପାଉଥିବା ବେଳେ ପୁଣେ ସହରରେ ଗତ 24 ଘଣ୍ଟା ମଧ୍ୟରେ 3,267 କୋଭିଡ ମାମଲା ପଞ୍ଜୀକୃତ ହୋଇଥିବା ଦେଖିବାକୁ ମିଳିଛି । ସେହିପରି ସହରରେ 1813 ଆକ୍ରାନ୍ତ ସୁସ୍ଥ ହୋଇଥିବା ବେଳେ 25 ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ଜଣାପଡିଛି ।
ସେହିପରି ସହରରେ ବର୍ତ୍ତମାନ ସୁଦ୍ଧା ସକ୍ରିୟ ମାମଲା 21,730 ରହିଛି । ମୋଟ 4,06,894 କୋରୋନାରୁ ଆକ୍ରାନ୍ତ ହୋଇ ସୁସ୍ଥ ହୋଇଥିବାବେଳେ ମୃତ୍ୟୁ ସଂଖ୍ୟା 9,413 ରେ ପହଞ୍ଚିଛି । ବର୍ତ୍ତମାନ ସମଗ୍ର ମହାରାଷ୍ଟ୍ରରେ କୋଭିଡ ସଂକ୍ରମଣ ଦ୍ବିତୀୟ ଲହର ଦେଖାଦେଇଥିବା ବେଳେ ସରକାରଙ୍କ ଚିନ୍ତା ମଧ୍ୟ ବଢିବାରେ ଲାଗିଛି । ସେହିପରି ସମଗ୍ର ରାଜ୍ୟରେ କୋଭିଡ କଟକଣା କଡାକଡି କରାଯାଇଥିବାବେଳେ କିଛି ସହରରେ ରାତ୍ରୀ କାଳିନ କର୍ଫ୍ୟୁକୁ ମଧ୍ୟ ପୁନଃ ଜାରି କରାଯାଇଛି।