ଦିନକରେ ବୌଦ୍ଧରେ 3 ଅକାଳ ବିୟୋଗ

ବୌଦ୍ଧରେ ବଜ୍ର ଆଘାତରେ ଜଣଙ୍କ ମୃତ୍ୟୁ ହୋଇଥିବାବେଳେ ସଡକ ଦୁର୍ଘଟଣାରେ 2ଜଣଙ୍କ ଲିଭିଯାଇଛି ଜୀବନ ଦୀପ ।

ବୌଦ୍ଧ: ବଜ୍ରାଘାତରେ ଜଣଙ୍କ ମୃତ୍ୟୁ ହୋଇଥିବାବେଳେ ସଡକ ଦୁର୍ଘଟଣାରେ 2ଜଣଙ୍କ ଲିଭିଯାଇଛି ଜୀବନ ଦୀପ ।

ସୋମବାର ସକାଳୁ ଅଳ୍ପ ବର୍ଷା ହୋଇଥିଲା । ତେବେ ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଖଟଖଟିଆ ଛକ ନିକଟରେ ଜଣେ ବୃଦ୍ଧଙ୍କ ବଜ୍ରାଘାତରେ ମୃତ୍ୟୁ ହୋଇଛି । ତେବେ ଅନେକ ସମୟ ପର୍ଯ୍ୟନ୍ତ ମନମୁଣ୍ଡା ପୋଲିସ କୌଣସି ପଦକ୍ଷେପ ଗ୍ରହଣ ନକରିବାରୁ ସ୍ଥାନୀୟ ଉତ୍ୟକ୍ତ ଲୋକେ ଦୀର୍ଘ ସମୟ ଧରି ରାଜରାସ୍ତା ଅବରୋଧ କରିଥିଲେ ।

ଅନ୍ୟପଟେ ଗତକାଲି ରାତିରେ ଆଢେଣୀଗଡ ଠାରେ ଘଟିଥିବା ମର୍ମନ୍ତୁଦ ସଡକ ଦୁର୍ଘଟଣାରେ ଗୁରୁତର ଆହତ ଯୁବକଙ୍କ ବୌଦ୍ଧ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି ।ସେହିପରି ସୋମବାର ସନ୍ଧ୍ୟାରେ ସରସରା ନିକଟରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଯାଇଛି । ଯୁବକଙ୍କ ସଠିକ ପରିଚୟ ମିଳିପାରି ନାହିଁ । ବୌଦ୍ଧ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ